Malaki 3:14 - KITABU KITAKATIFU

¹⁴ Mwinye mu vola, Litumekira Nyasaye si li veye nevya mbeti; kandi lilinda lya kwinye ku linda bulindi bwibwe li konya ki, na ligenda lyokugenda neliverera imbiri wa Yahova wa mahe, li konya ki?

Malaki 3:14 ပူးပေါင်းရင်းမြစ်များ

Ayubu 22:17

Ava volera Nyasaye, Twula u ku leke; Na, Wanyala Vyosi a nyala kukukolera ki?

Ayubu 34:9

Kigira a volanga, Si ga konyanga mundu, Kweyanzidza na Nyasaye.

Ayubu 35:3

U luhi u voye Ha la va ni vyambeti ki ku ive? Kand i, Nda nyola vyambeti ki kuvita mu likola ubwoni?

Isaya 43:22

Halala na yaga ive Yakobo, si wanira inze; O Israeli, wa luha ku inze.

Isaya 58:3

Va vola, Kigira ki kwinye kuhonga lilia, na ive si u lola? Kigira ki kwedambidza avene, na ive si u lola? Henzi, mwinye, mu lidiku lyenyu lyokuhonga lilia mweyanzidza mwinye avene, nokuniga miyinzi gyenyu gyosi.

Jeremia 18:12

Navutswa va vola, Si ha veye nelisuuvira, kigira kwinye ku la tsia kulonda tsiganagani tsyetu avene, na ku la kola sa mulala ku kwinye kuli ubukyamu bwomwoyo gwigwe mudamano.

Jeremia 2:25

Gaya kirenge kikyo gase ki la vula kuva nekilatu, nelidundu lilyo kuvula kuva nobuluhu. Navutswa ive wa vola, Si ha veye nelisuuvira mba; auwa, kigira inze nyanzi avageni, na nda va londa.

Jeremia 44:18

Navutswa kutwula lwa kwa leka kuvuyidzira mwami wekikali womigulu vimuli nokumutsukira vihannwa vyevyokunwa, ku daki vindu yivi vyosi, na kwa dividzwa nekivavi, nenzala.

Hosea 7:16

Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.

Joeli 2:12

Navutswa kali kalunu, Yahova a vola, Mu girunkane, mu yeke ku inze nomwoyo gwenyu gwosi, kandi nelihonga lilia, nelilira, nelisyoma:

Zefania 1:12

Na ga la duka inyinga yeyo, nda mulika mu Yerusalemi netsimulina nda kalagira avandu ava gunza ku amaseke, ava volanga mu myoyo gyavo, Yahova si a la kola bulahi, kandi si a la kola budamano.

Malaki 3:13

Makuva genyu ga gwiye madinyu ku inze, Yahova a vola. Navutswa mwinye mu vola, Ku voye ki ku ive?

Yakobo 4:9

Mu kupe kivi, mu verere, mu lire: liseka lyenyu li Kirunkanywe kuva liverera, lisangala lyenyu li ve liverera.