Malaki 3:13 - KITABU KITAKATIFU

¹³ Makuva genyu ga gwiye madinyu ku inze, Yahova a vola. Navutswa mwinye mu vola, Ku voye ki ku ive?

Malaki 3:13 ပူးပေါင်းရင်းမြစ်များ

Ayubu 15:13

U luhe u girunkannyi mwoyo gugwo kuhing'ana ku Nyasaye, Nokuleka makuva kuli yaga kutwula mu munwa gugwo?

Ayubu 40:8

U la tsangalalidza likalaga lyange? U la lola mahyolo ku inze, u duke kuvolwa kuvo mulungi?

Zaburi 10:11

A volanga mu mwoyo gwigwe; Nyasaye yiviriye, Yivisa mumoni mwimwe, si a li lola mba.

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Isaya 3:8

Kigira Yerusalemi li sambuywe, ne Buyuda bu gwiye; kigira tsinimi tsyavo nevikolwa vyavo vi hing'ana na Yahova, kuvihiriridza tsimoni tsyobukumi bwibwe.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 46:12

Mu hulire inze, mwinye ave myoyo midinyu, ava veye ihale ku bulungi:

Isaya 5:19

navo ava volanga, A kole bwangu, yanguhidze miyinzi gyigye ku gyi lole; na makuva go Mutakatifu wa Israeli gesunde himbi gadze, ku ga manye

Jeremia 44:18

Navutswa kutwula lwa kwa leka kuvuyidzira mwami wekikali womigulu vimuli nokumutsukira vihannwa vyevyokunwa, ku daki vindu yivi vyosi, na kwa dividzwa nekivavi, nenzala.

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Ezekieli 18:25

Navutswa mwinye mu vola, Inzira ya Yahova si i veye inungi mba. Hulira kalunu, O inyumba ya Israeli: Inzira yange si i veye inungi? Tsinzira tsyenyu si tsi veye tsinkyamu?

Ezekieli 35:13

Mwinye mwiidzominyi avene ku inze neminwa gyenyu, nokumeda makuva genyu ku inze: nga huliye.

Hosea 7:16

Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.

Malaki 2:14

Na mwi nye mu volanga, Kigira ki? Kigira Yahova ya li muloli hagati hoho na mukali wobusoleli bubwo, wa ive wa mu kolera ubugadi, kali ni ya li wakyo, na mukali welilagana lilyo.

Malaki 2:17

Mu mali kuluhidza Yahova na makuva genyu. Navutswa mu volanga, Ku mu luhidza ku makuva ki? Ga veye ku livola lya mu volanga, Sa mulala u kolanga ubudamano a veye mulahi mu tsimoni tsya Yahova, naye a sangaliranga avandu yava; kinga Nyasaye welikalaga a veye haliha?

Malaki 3:12

Na tsihiri tsyosi tsi la mu tala mu veye avobuyanzi; kigira mu la va kivala kyokuyanzidza ligali, Yahova wa mahe a vola.

Malaki 3:14

Mwinye mu vola, Litumekira Nyasaye si li veye nevya mbeti; kandi lilinda lya kwinye ku linda bulindi bwibwe li konya ki, na ligenda lyokugenda neliverera imbiri wa Yahova wa mahe, li konya ki?

Malaki 3:8

Mundu a liba vya Nyasaye? Navutswa mwinye mwibanga vindu vyange. Navutswa mu vola, Kwibanga ndi vindu vivyo? Ga veye ku zaka na tsisadaka.

Varumi 9:20

Ga ta va ndiyo, navutswa, ive mundu, u veye ibwaha u tivulira Nyasaye? Kindu kya lombwa ki nyala kuvolera uyu wa ki lomba, Kigira ki wa nomba ndi?

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.