Malaki 3:1 - KITABU KITAKATIFU

¹ Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

Malaki 3:1 ပူးပေါင်းရင်းမြစ်များ

Zaburi 110:1

Yahova a volera Mwami wange, Wikale ha mukono gwange mulungi, Kuduka lwa mbika avasigu vovo kuva intebe yevirenge vivyo.

Kutwula 23:20

Henza, ntumanga ingelosi u ange imbiri wowo, a ku linde ku inzira, nokukuleta wingire ha nku lombeye.

Kutwula 23:21

U gelihe imbiri wewe, na u hulire mwoyo gwigwe; u ta mu vihiriridza; kigira si a li mu sameha mahyolo genyu: kigira Iieta lyange li veye muye.

Isaya 40:10

Henza, Mwami Nyasaye a ladza kuli Wanyala, na mukono gwigwe gu leyamehira mwene: Henza, madanyi gege a veye nago halala, na litunga lilye li veye imbiri wewe.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Haggai 1:13

Hene yaho Haggai, wa li mutu mwa wa Yahova, ya volera avandu, mu makuva ga Yahova, na a vola Inze mbeye halala nemwinye, Yahova a vola.

Malaki 2:4

Na mu la manya inze nda letera mwinye lilaga yili, lilagana lyange li ve halala na Levi, Yahova wa mahe a vola.

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Malaki 4:5

Henza, nda tuma Elija muprofeti, yadze ku mwinye ni li kikiri ku duka lidiku linene lyokutihidza lya Yahova.

Matayo 11:14

Kandi mwinye ni mwenya kubugirira, uyu niye Elija u lidza.

Luka 1:76

Yee, kandi ive mwana u la langwa muprofeti wa Uveye Igulu Ligali: Kigira u la tsia imbiri wo Mwami kulomba tsinzira tsitsye;

Luka 19:47

Kandi ya li ni yegidza kazozo mu litempeli. Navutswa avasalisi vanene navang'odi navanene vavandu venya kumwiita:

Luka 2:11

kigira lero Muho nnyi wenyu naye a veye Kristo Mwami, wivuleywi mu lidala lya Daudi.

Luka 2:38

Uyu yingira isaa yeyo ni yidzominya Nyasaye, na a volera go mwana ku vosi ava linda ubu honnyi bwe Yerusalemi.

Luka 2:46

Kandi inyima wamadiku gavaka va mu nyola mu litempeli, ni yikaye hagati havegidzi, na a va huliridza na a va teva mateva.

Vikolwa 19:4

Kandi Paulo ya vola, Yohana ya batidza nelibatidza lyokweganira, na a volera avandu va suuvire uyu u li mu londa, naye niye Yesu.

Vikolwa 7:38

Uyu niye wa li mu livugana mu kyangalangwi halala nengelosi wa volerana naye mu kigulu kya Sinai, kandi navaguga vetu: wa vugula livola lyeliva mwoyo kuha kwinye.