Malaki 2:6 - KITABU KITAKATIFU

⁶ Lilaga lya geligali lya li mu munwa gwigwe, na bukyamu si bwa loleka mu minwa gyigye mba: ya genda halala ninze mu mirembe nomu bulungi, na ya girunkannya avanyingi va leke ubudamano.

Malaki 2:6 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 6:9

Yivi ni visukululwi vya Nuhu. Nuhu ya li mundu mulungi, nomudukiru mu likula lilye: Nuhu ya genda halala na Nyasaye.

Zaburi 119:142

Ubulungi bubwo bu veye bwemihiga nemihiga, Na itorati yoyo i veye ageligali.

Zaburi 119:151

Ive u veye himbi, O Yahova; Na amalago gogo gosi ga veye ageligali.

Zaburi 37:30

Munwa gwomulungi gu volanga agobugeeri, Na ululimi lwilwe lu volanga agelikalaga lilungi.

Zaburi 37:37

U henze ligali mundu mudukiru, u lole mulungi; Kigira kiheri kyomundu uyu ki veye mirembe.

Tsing'ano 5:2

U duke kulinde ubugeeri, Na minwa gyigyo gyi linde li manya.

Jeremia 23:22

Navutswa ni va va ni va singira mu likuva lyange, hene yaho nkano va kola avandu vange kuhulira amakuva gange, nokuvagirunkannya va leke tsinzira tsyavo tsindamano, nokuleka ubudamano bwelikola lyavo.

Danyeli 12:3

Kandi avobugeeri va laaka kuli ubung'ereng'anu bwombwerefu; na yava ava girunkannya avanyingi kulonda ubulungi va laaka kuli tsing'ereng'ani mihiga nemihiga.

Hosea 4:6

Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Matayo 22:16

Ni va tuma kuye avegidzwi vavo halala na Vaherodi, ni va vola, Mwegidzi, ku ku manya u veye mundu weligali, kandi wegidza inzira ya Nyasaye ligali si u veye nobutii bwavandi kali mulala: kandi si u henza ligondo lyavandu,

Marko 12:14

Lwa va duka kuye va mu volera, Mwegidzi, ku manya ive u veye weligali, kandi si u tidza mundu; kigira si u henza ligondo lyavandu, navutswa ligali wegidza inzira ya Nyasaye. Nu bulahi kutunga ubushutu ku Kaisari, naho si bu li bulahi?

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Luka 20:21

Ni va mu teva ni va vola, Mwegidzi, ku manya ive u vola nokwegidza bulungi, kandi si u bugirira ligondo lyomundu, navutswa ligali wegidza inzira ya Nyasaye.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Kwidzulitsa 33:10

Va legidza Yakobo miima gyigyo, Na ku Israeli lilaga lilyo: Va la vika vimuli imbiri wowo, Nekihaanwa kidukanu kyokusambwa ku bwali bubwo.

Kwidzulitsa 33:8

Na ku Levi ya vola, Thumimi yoyo na Urim yoyo vi ve halala nomutakatifu wowo, Wa mu geridza ha Massa, Wa wa hing'ana naye ha madzi ga Meriba;

Kwidzulitsa 33:9

Wa vola ku dada wewe, noku mama wewe, Si nda mu lola Kandi si a bugirira avamwavo veve, Kandi si ya manya avana veve mwene: Kigira va linda likuva lilyo, Navo va gumira lilagana lilyo.

Likunula 14:5

Kandi ububehi si bwa nyoleka mu minwa gyavo; kigira si va veye nekindu kuvo.

1 Samweli 2:12

Navana va Eli va li vadamano; si va manya Yahova.