Malaki 2:17 - KITABU KITAKATIFU

¹⁷ Mu mali kuluhidza Yahova na makuva genyu. Navutswa mu volanga, Ku mu luhidza ku makuva ki? Ga veye ku livola lya mu volanga, Sa mulala u kolanga ubudamano a veye mulahi mu tsimoni tsya Yahova, naye a sangaliranga avandu yava; kinga Nyasaye welikalaga a veye haliha?

Malaki 2:17 ပူးပေါင်းရင်းမြစ်များ

Ayubu 34:17

A lameha kali mulala a dunyira agobulungi? Na ive u la kalagira wobulungi nowetsingulu kuva nelihyola?

Ayubu 34:36

Nkano Ayubu u geridzeywi kuduka ku kiheri Kigira litivula lilye kuli avandu avakyamu va tivulanga.

Ayubu 36:17

Navutswa wizuye likalagwa lyavadamano: Likalaga nobulungi vi ku gumiye.

Ayubu 9:24

Lirova yili li vikeye mmukono gwavadamano; Uyu a kunikanga mmoni mwa vakalagi valyo; Ni i va si a veye uyu u kolanga, a ka veye bwaha?

Kohelethu 8:11

Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.

Isaya 1:14

Mwoyo gwange gu dunyiranga lilonda lyenyu lyomweli, na lilia lyenyu lya tovolwa; makuva yaga ga mminanga ligali; nduhi kuga ginga.

Isaya 29:15

Ubudamano bu ve kuvo avenyanga kuvisa makuva gavo ku Yahova mu luliva, nemiyinzi gyavo gyi veye mu kisundi, va volanga, Ni bwaha u ku lolanga? Ni bwaha u ku manya?

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 43:22

Halala na yaga ive Yakobo, si wanira inze; O Israeli, wa luha ku inze.

Isaya 43:24

Si wa ngulira mikonye nefetha yoyo, kandi wa vula kunzigutidza na maguta gevihaanwa vivyo; navutswa u mmini no bwoni bubwo, u nduhidzi nobudamano bubwo.

Isaya 7:13

Naye ya vola, Mu hulire kalunu avenyumba ya Daudi: Ni kindu kike keke ku mwinye kuluhidza avandu ga luhe ga duke kandi ku mwinye kuluhidza Nyasaye wange?

Jeremia 12:1

Ive u veye mulungi, O Yahova, ni mba ni nku goonya; navutswa nkano mbolerane nive likuva yili: kigira ki inzira yomudamano i gasidzangwa? Kigira ki ava tumekiranga ubugadi vosi va veye mbwelemeridzi?

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 17:15

Henza, va ntevanga, Likuva lya Yahova li veye haliha? Ii duke kalunu.

Jeremia 44:22

Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

Ezekieli 16:43

Kigira ive si widzulitsi madiku go busoleli bubwo mba, nawtswa u mbihiriridzi mu vindu yivyo vyosi, ku nangwa, henza, nda leta inzira yoyo ku mutwe gugwo, Mwami Nyasaye a vola: si u la tumekira tsiganagani tsindamano ku kivihiri kikyo kyosi mba.

Ezekieli 18:25

Navutswa mwinye mu vola, Inzira ya Yahova si i veye inungi mba. Hulira kalunu, O inyumba ya Israeli: Inzira yange si i veye inungi? Tsinzira tsyenyu si tsi veye tsinkyamu?

Ezekieli 8:12

Nonoho ya mbolera, Ive mwana womundu, u lola yaga aga vakulundu venyumba ya Israeli va kolanga mu kisundi, sa mulala mu vigodola vivye vyevifwananyi? Kigira va vola, Yahova si a ku lolanga mba; Yahova wa leka kivala yiki.

Ezekieli 9:9

Hene yaho ya mbolera, Ubudamano bwenyumba ya Israeli no bwa Yuda bu veye bunene ligali, nekivala yiki kizuye amasahi, nelidala yili lizuye likyaminya likalaga: kigira va volanga, Yahova u leki kivala yiki, Yahova a lolanga mba.

Amosi 2:13

Henza, nda mu mina mu hokumenya henyu kuli ligari lizuye miganda li minanga.

Zefania 1:12

Na ga la duka inyinga yeyo, nda mulika mu Yerusalemi netsimulina nda kalagira avandu ava gunza ku amaseke, ava volanga mu myoyo gyavo, Yahova si a la kola bulahi, kandi si a la kola budamano.

Malaki 2:14

Na mwi nye mu volanga, Kigira ki? Kigira Yahova ya li muloli hagati hoho na mukali wobusoleli bubwo, wa ive wa mu kolera ubugadi, kali ni ya li wakyo, na mukali welilagana lilyo.

Malaki 3:8

Mundu a liba vya Nyasaye? Navutswa mwinye mwibanga vindu vyange. Navutswa mu vola, Kwibanga ndi vindu vivyo? Ga veye ku zaka na tsisadaka.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

1 Samweli 2:3

Mu ta vola kandi noluyai kuli ndiyo; Mu ta leka lyegingira kutwula mu minwa gyenyu; Kigira Yahova a veye Nyasaye welimanya, Kandi uyu a geranga makola.