Malaki 2:10 - KITABU KITAKATIFU

¹⁰ Kwinye kwosi si ku veye na dada mulala? Si a veye Nyasaye mulala wa ku lomba? Kigira ki kwinye ku tumekiranga ubugadi sa mulala ku amwavo wewe, ni kwononnya amalaga ga vaguga vetu?

Malaki 2:10 ပူးပေါင်းရင်းမြစ်များ

Nehemia 13:29

Widzu litse yavo, O Nyasaye wange, kigira va mali kwononnya busalisi, nelilaga na lyobusalisi, na lya Valevi.

Ayubu 31:15

Uyu wa nombera mmunda, si ya lomba uyu kandi? Si ya li uyu mulala yeng'ine wakulongera vombi mmunda?

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Kutwula 19:4

Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene.

Kutwula 19:5

Kunangwa kalunu, ni mu va ni mu hulira mwoyo gwange ligali, nokugumira lilagana lyange, hene yaho mu la va ku inze, ihiri yange mwene yavukanywa ku vandu vosi: kigira lirova lyosi ni lyange:

Kutwula 24:3

Na Musa yadza na a volera avandu makuva gosi ga Yahova, na malago gosi: na avandu vosi va tivula nomwoyo mulala, ni va vola, Makuva gosi ga Yahova a voye, ku la ga kola.

Kutwula 24:7

Ma ya vugula kitabu kyelilagana, na a somera mu livugana lya avandu; navo va vola, Yaga gosi aga Yahova a ku voleye ku la ga kola, na ku la ga hulira.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 43:15

Inze mheye Yahova, Mutakatifu wenyu, Mu lombi wa Israeli, Mwami wenyu.

Isaya 43:7

sa mulala ava langwa ku lieta lyange, wa nda lombera ubukumi bwange, wa nda mu lomba, yee, wa nda mu kola.

Isaya 44:2

Yahova wa ku kola, nokukulomba kutwula munda, u li ku konya, a vola ndi: U ta tia, O Yakobo mutumekiri wange; na ive, Jeshurun, wa ntovoye.

Isaya 51:2

Mu henze Abrahamu guga wenyu, na Sara wivula mwinye: kigira lwa ya li mulala nda mu langa nokumugasidza, nokumukola a ve avanyingi.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Isaya 64:7

Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Ezekieli 33:24

Ive mwana womundu, avandu va menyanga aha lekwa vyanyi mu kivala kya Israeli va volanga makuva, kuvola, Uyu Abrahamu ya li mulala, naye ya nyola kivala yiki kuva miyandu gyigye: navutswa kwinye ku veye avandu vanyingi; kivala yiki kwa hebwa kuva miyandu gyetu.

Malaki 1:6

Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Malaki 2:11

Yuda ya kola nobugadi, na livihiriridza li veye mu Israeli nomu Yerusalemi: kigira Yuda yononnya ubutakatifu bwa Yahova bwa a yanzanga, na ya kwa mu kana wa nyasaye mugeni.

Malaki 2:8

Navutswa mwa girunnkana nokuleka inzira zana; mwikigitalidzi avanyingi mu lilaga; mwononnyi lilagana lya Levi, Yahova wa mahe a vola.

Matayo 10:21

Namwavo a la twulidza amwavo yiitwe, na ise a la twulidza mwana wewe: navana va la twulira avivuli, va kola viitwe.

Matayo 22:16

Ni va tuma kuye avegidzwi vavo halala na Vaherodi, ni va vola, Mwegidzi, ku ku manya u veye mundu weligali, kandi wegidza inzira ya Nyasaye ligali si u veye nobutii bwavandi kali mulala: kandi si u henza ligondo lyavandu,

Matayo 3:9

mu ta ganagana mkiritu, mu vole, Ku veye na guga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga.

Luka 1:73

Lisuha lya yisuhira Abrahamu guga wetu

Luka 3:8

Mu kole makuyu ga dukana nelyeganira, mu ta tanga kuganagana, Ku veye naguga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga.

Yohana 8:39

Va tivula ni va mu volera, Dada wetu ni Abrahamu. Yesu ya va Volera, Ni mu ve avana va Abrahamu, nkano mu kolanga miyinzi gya Abrahamu.

Yohana 8:41

Mwinye mu kola miyinzi gya dada wenyu. Va mu volera, Kwinye si kwivulwa indasimba; ku veye na dada mulala yeng'ine, ni Nyasaye.

Yohana 8:53

Ive u veye munene kuvita guga wetu Abrahamu wa kudza? Kandi avaprofeti va kudza: wekola u veye ibwaha?

Yohana 8:56

Guga wenyu Abrahamu ya sangala kulola lidiku lyange; ya li lola na a yanza.

Vikolwa 17:24

Nyasaye uyu wa lomba lirova nevindu vyosi vi veye mu, uyu, kigira a veye Mwami weligulu nelirova, si a menya mu matempeli gombakwa namakono;

Vikolwa 17:25

kandi si a tumekirwa namakono gavandu, kuli mudaka wekindu kali kilala, kigira niye mwene a hedzanga vosi livamwoyo nomwika, nevindu vyosi.

Vikolwa 17:26

Kandi ya lomba tsihiri tsyosi tsyavandu va twule ku mulala kumenya ku lirova lyosi, kandi ya haana munwa gwemihiga, na a kola tsinzako tsyevivala vyavo;

Vikolwa 7:2

Ya tivula. Mwinye avamitu navadada, mu hulire: Nyasaye wobukumi ya loleka ku guga wetu Abrahamu, lwa ya li mu Mesopotamia, inyinga ya li na a kikiri kumenya Harani,

Vikolwa 7:26

Mugamba ya nyola ava kupana ni yenya kuvahambannya, na a vola, Vasatsa mwinye mu veye avamwavo kigira ki mwononnyana?

Varumi 4:1

Kunangwa ku la vola Abrahamu guga wetu, ya nyola ki ku luvega lyomubiri?

Varumi 9:10

Kandi si ga li yaga geng'ine, navutswa Rebeka lwa ya mala kuvereka inda yomulala, naye ni Isaka guga wetu

1 Vakorintho 8:6

navutswa ku kwinye a veye ho Nyasaye mulala, Dada, wevindu vyosi vi twula kuye, kandi kwinye ku veye aveve; kandi Mwami a veye mulala yeng'ine, Yesu Kristo, wevindu vyosi vi twula kuye, halala nekuinye.

Vafeso 4:25

Kigira yaga mu sule ububehi, sa mulala a volere wakye ageligali: kigira ku veye vivero avene navene.

Vafeso 4:6

Nyasaye mulala, naye a veye Dada wa vosi, u veye igulu ku vyosi, no mu vyosi, kandi mu vyosi.

1 Vatesalonike 4:6

mundu a ta ga manya nokugenderera amwavo wewe mu makuva yaga: kigira Mwami a veye mbanzi mu makuva yaga gosi; kuli kwa tanga kumumannya nokumulolekidzira.

Vahebraina 12:9

Na kandi kwa li navadada avemibiri gyetu kukuha amageli, na kwinye kwa va hulira: nasindi uyu Dada wa roho si ku legehidza ligali kuye nokuva mwoyo?

Joshua 24:3

Na inze nda vugula Abrahamu guga wenyu engereka yo Mugera na nda mwimirira mu kivala kyosi kya Kanani, nda mu medera kisukululwi kikye, na nda mu ha Isaka.