Malaki 1:8 - KITABU KITAKATIFU

⁸ Na lwa mu haananga kiboku kuva kihaanwa, si bu veye budamano? Kandi lwa mu haananga vilema nevilwaye, si bu veye budamano? Haana ku yivi ku Govuna wenyu kalunu; vi la yanzeka kuye? Kinga a la bugirira ive? Yahova wa mahe a vola.

Malaki 1:8 ပူးပေါင်းရင်းမြစ်များ

Ayubu 42:8

Kunangwa kalunu, mu vugule tsing'ombe tsitano na tsiviri, namagondi makole gatano na gaviri, mu tsie navyo ku mutumekiri wange Ayubu, mu haane vi ve vyemyoyo gyenyu kihaanwa kyokusambwa; na mutumekiri wange Ayubu a la mu saalira; kigira nda bugirira uyu, mbule kukolera mwinye kuli ubusiru bwenyu; kigira si mwa vola ku inze makuva gobulungi kuli mutumekiri wange Ayubu ya vola.

Zaburi 20:3

Yidzulitse vihaanwa vivyo vyosi, Kandi u bugirire vihaanwa vivyo vyokusambwa; [Selaha

Jeremia 14:10

Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Haggai 1:1

Mu muhiga gwa kaviri gwomwami Dario, mu mweli gwegyitano na mulala, lidiku lyokutanga lyomweli, likuva lya Yahova lya duka ku Zerubabeli mwana wa Shealitieli, wa li govuna wa Buyuda, noku Joshua mwana wa Jehozadaku, musalisi munene, ku munwa gwa Haggai muprofeti, kuvola,

Malaki 1:10

Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

Malaki 1:7

Mu haananga ubukima bwononnywa ku bwali bwange. Na mu vola, Ku kwononnyi ku kindu ki? Ga veye ku livola lyenyu lya mu volanga, Imeza ya Yahova i vedzanga nelilegwa.

Kwidzulitsa 15:21

Ni ki va ni ki veye kilema, kisegera, ki veye kiboku, kinga kyobulema budamano ku bwosi, u ta ki haana ku Yahova Nyasaye wowo mba.