Malaki 1:6 - KITABU KITAKATIFU

⁶ Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Malaki 1:6 ပူးပေါင်းရင်းမြစ်များ

Zaburi 123:2

Henza, kuli tsimoni tsyavatugwa tsi yekanya ku mukono gwava nene wavo Na kuli tsimoni tsyomukana mutugwa tsi yekanga ku mukono gwa munene wewe wekikali; Ni ndiyo tsimoni tsyetu tsi yekanga ku Yahova Nyasaye wetu, A luhe a ku vere tsimbabasi

Kutwula 20:12

Widzominye dada wowo na mama wowo, madiku gogo ga ve manyingi mu kivala kya Yahova Nyasaye wowo a ku ha.

Tsing'ano 17:6

Avana va avana va veye itaji yavasakulu; Na ubukumi bwavana bu veye avadada vavo.

Tsing'ano 30:11

Ha veye nelikula lya nyega dada wavo Na va vula kugasidza mama wavo.

Tsing'ano 30:17

Imoni i sekanga dada wewe, Nokulega lihulira mama wewe, Amajikolo gomwivona ga la gi somola, Na viminyo vyendidzu vi la gi lia.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 43:23

U vuli kundetera magondi kuva vihaanwa vyokusambwa; kandi u vuli kunzidzominya nevihaanwa vivyo. Inze si nku niga kuntumekira nevihaanwa vivyo, kandi si nku luhidza nevimuli.

Isaya 45:10

Ubudamano bu ve ku uyu u voleranga dada wewe, Ive wivula kindu ki? Kinga ku volera mukali, U veye nelilumwa lya ki?

Isaya 64:7

Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Jeremia 23:11

kigira muprofeti nomusalisi vombi va damani; yee, ndoli budamano bwavo mu inyumba yange, Yahova a vola.

Jeremia 3:4

Kutwula inyinga ya kalunu ive si u lanira ku inze, kuvola, O Dada wange ive u veye mwimiriri wobusoleli bwange?

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Jeremia 35:16

Kunangwa kigira avana va Jonadabu, mwana wa Rekabu, va dukidza lilaga lya guga wavo ga ya va laga, navutswa avandu yava si va hulira inze mba;

Ezekieli 22:26

Avasalisi veve va kyaminyi lilaga lyange, no kwononnya vindu vyange vitakatifu: si va vika lyavukannya hagati hevitakatifu na vi tumekirangwa kazozo, kandi si va mannyi avandu lyavukana hagati hevindu vyobubi nevilahi, netsimoni tsyavo tsi visiywi ku masabato gange, na inze ndegannyiywi hagati havo.

Hosea 12:8

Na Efiraim ya vola, Ligali inze ngwiye mutugi, nyoye vindu vinyingi: mu miyinzi gyange gyosi si va la nyola ubukyamu mu inze bu veye ubwoni.

Hosea 4:6

Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Hosea 5:1

Mu hulire yaga, O mwinye avasalisi, mu huliridze, O mwinye avenyumba ya Israeli, na mu tegidze amatu, O mwinye avenyumba yomwami; kigira likalaga li veye ku mwinye; kigira mwinye mwa li mutego ha Mizipa, nomuluvu gwa vikwa ha Taboru.

Kyavalevi 19:3

Ku vosi mundu a tie mama wewe, na dada wewe; na mu linde masabato gange: inze mbeye Yahova Nyasaye wenyu.

Zefania 3:4

Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage.

Malaki 2:1

Kandi kalunu, O mwinye avasalisi, lilaga yili li veye ku mwinye.

Malaki 2:10

Kwinye kwosi si ku veye na dada mulala? Si a veye Nyasaye mulala wa ku lomba? Kigira ki kwinye ku tumekiranga ubugadi sa mulala ku amwavo wewe, ni kwononnya amalaga ga vaguga vetu?

Malaki 2:8

Navutswa mwa girunnkana nokuleka inzira zana; mwikigitalidzi avanyingi mu lilaga; mwononnyi lilagana lya Levi, Yahova wa mahe a vola.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Matayo 15:4

Kigira Nyasaye ya laga na a vola, Widzominye dada wowo na mama wowo: kandi u nyega ise kinga mama wewe, likudza a kudze.

Matayo 15:6

a tidzominya ise kandi mba. Mwononnyi likuva lya Nyasaye nemiima gyenyu.

Matayo 19:19

Widzominye dada wowo na mama wowo; kandi, U yanze mutende wowo kuli weyanza.

Matayo 6:9

Mwinye mu saale ndi; Dada wetu u veye migulu lietalilyolidzominywe.

Matayo 7:21

Si va lingira vosi mbwami bwomigulu ava mbolera, Mwami, Mwami, navutswa uyu u kola ubulaliri bwa Dada u veye migulu.

Marko 10:19

U manya malago, U tiita mba, U ta kola ubuheyi mba, U tiba mba, U ta gina mba, U ta ganga mba, Widzominye dada wowo na mama wowo.

Marko 7:10

Kigira Musa ya vola, Widzominye dada wowo na mama wowo; kandi, U nyega ise kinga mama, likudza, a kudze:

Luka 10:29

Navutswa uyu yenya kweha ubulungi ya volera Yesu, Kandi mutende wange ni bwaha?

Luka 18:20

Ive u manya malago; U ta heya mba, U tiita mba, U tiba mba, U ta gina mba, Widzominye dada wowo na mama wowo.

Luka 6:36

Mu ve netsimbabasi, kuli Dada uenyu a veye netsimbabasi.

Luka 6:46

Kandi kigira ki mu nanga, Mwami, Mwami, navutswa si mu kola ga mbola?

Vafeso 6:2

Widzominye dada wowo na mama wowo (lilaga yili li veye lilaga lyokutanga li veye nelisuuviridza),

Kwidzulitsa 1:31

na mukyangalangwi, ha wa lola kuli Yahova Nyasaye wowo a ku ginga, kuli mundu a ginganga mwana wewe, ku inzira yosi ha mwa tsia, kuduka hano.

Kwidzulitsa 32:6

Lisantidza lya mu hedzanga Yahova ni yili, Mwinye avandu avasiru, ava ta li nobugeeri? Si a li dada wowo wa ku gula? Niye wa ku lomba, nokukudinyeridza.

Kwidzulitsa 5:16

Widzominye dada wowo na mama wowo, kuli Yahova Nyasaye wowo ya ku laga; madiku gogo ga duke kuva manyingi, kandi bu ve bulahi ku ive, mu kivala kya Yahova Nyasaye wowo a ku ha.

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii: