Malaki 1:4 - KITABU KITAKATIFU

⁴ Kali Edoma vola, Kwinye ku duvagirangwa hasi, navutswa ku la galuka nokwombaka mu vyanyi vya lekwa: Yahova wa mahe a vola, Va lombaka, navutswa nda sambula kandi; na vandu va la va langa, Kivala kyobudamano, na Avandu ava Yahova a vihirirwa mihiga nemihiga.

Malaki 1:4 ပူးပေါင်းရင်းမြစ်များ

Ayubu 12:14

Henza, a sambulanga, na si vi nyalika kwombakwa kandi; A bohanga mundu musatsa, na liboholola si li nyalika mba.

Ayubu 34:29

Lwa a leta mirembe, ni bwaha a nyala kulola kuye ubudamano? Na lwa a visanga mmoni mwimwe ni bwaha u nyala kumulola? Na a va na ga lomberwa ihiri, kinga umundu, ga leng'ana:

Ayubu 9:4

A veye wobugeeri mmwoyo, wobunyali mu tsingulu: Ni bwaha wekola kuva mudinyu kuye, na a gasidzwa?

Zaburi 127:1

Yahova na a vula kwombaka inyumba, Avombakanga va nyankana vutswa; Yahova na a vula kulinda lidala, Mulindi a vukanga vutswa.

Zaburi 137:7

Widzulitse, O Yahova, ku avana va Edom Lidiku lya Yerusalemi; Ava vola mu li vulule, mu li vulule, Kuduka ku muse gwalyo.

Zaburi 33:10

Yahova a kolanga litovola lya vetsihiri kuva vutswa; Kandi a kolanga tsiganagani tsya avandu kuvula kukola kindu.

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 11:14

Na va la buluka hasi nokuduka ku mavega ga Vafilisiti ku luvega lwemadioli; navo halala va lononnya avana vevugwe: va la nyira mukono gwavo ku Edom na Moabu; na vana va Amon va la va hulira.

Isaya 34:10

Muliru gu la vula kusiminywa mbasu kinga ubudiku; mwoki gwagwo gu la duuma mihiga nemihiga; ki la va hatswa makula na makula; si ha veye nomundu u vita hagati hakyo kuduka mihiga nemihiga.

Isaya 34:5

Kigira kivavi kyange ki mali kunwa nokwiguta mwigulu: henza ki liika ku Edom, noku avandu ve lilaamwa lyange, kuvakalagira.

Jeremia 31:17

Na kisuuviri ki veye ho ku madiku gogo gekiheri, Yahova a vola; navana vovo va la duka kandi ku lwako lwavo avene.

Jeremia 49:20

Kigira yaga mu hulire livola lya Yahova, lya ya kola ku Edom; nelisaavira lilye, lya a saaviye ku vamenyanga ha Teman: Ligali va la va twulidza nelikwesa, kali avakekeke vekyayo; ligali a la kola ubumenyo bwavo kuva vyanyi kuvo.

Jeremia 49:7

Ku Edom. Yahova wa mahe a vola: Si ha veye kandi nobugeeri mu Teman? Iivola li daki mu yavo avetsiganagani? Ubugeeri bwavo bwa goti?

Jeremia 49:8

Mwiruke, mwirane inyima, mu menye mu luliva hasi ligali O avamenyanga Dedan; kigira nda ieta kuye kivi kya Esau, inyinga ya ndi mu henza.

Jeremia 5:17

Va la lia ligesa lilyo, nobukima bubwo, ubwa, dukira ava na vovo vayai navakana kulagira; va la lia vyayo vivyo vyamagondi netsing'ombe; va la lia mizabibu gyigyo nemikuyu gyigyo: va la sambulannya madala gogo getsingaga, aga wa li ni wa suuvira, va la ga sambulannya nekivavi.

Lisyoma lya Jeremia 3:37

Ni bwaha u volanga, ma li va, ni i va Yahova si ya li laga mba?

Ezekieli 11:10

Mu la gwa ku kivavi; na nda mu kalagira mu tsinzako tsya Israeli; na mu la manya mbeye Yahova.

Ezekieli 25:13

kunangwa Mwami Nyasaye a vola ndi, Nda nyira mukono gwange ku Edom, na nda twulidza mundu na mutugu kukyo; na nda ki kola hatswa kutwula Teman kuduka Dedan va la gwa ku kivavi.

Ezekieli 25:14

Na nda vika kisalya kyange ku Edom nomukono gwavandu vange sraeli; na va la kola mu Edom kuli ubutima bwange nelivihirirwa lyange; na va la manya kisalya kyange, Mwami Nyasaye a vola.

Ezekieli 26:14

Na nda kola ive u ve ulwanda lwere: u la va hokuvagala miluvo gyavaluvi; si u lombakwa kandi mba: kigira inze Yahova mmali kuvola likuva yili, Mwami Nyasaye a vola.

Ezekieli 35:4

Nda kola madala gogo ga ve vya nyi, na ive u la va hatswa; na u la manya inze mbeye Yahova.

Ezekieli 35:9

Na nda kola ive kuva hatswa kazozo, madala gogo ga vula kuva nomumenyi; na mu la manya inze mbeye Yahova.

Amosi 1:11

Yahova a vola ndi: Kigira mahyolo gavaka ga Edom, yee, kigira gane, si nda girunkannyira lihebwa mageli lyalyo; kigira ya kunga amwavo wewe nekivavi, na a ta tsimbabasi tsyosi, nobutima bwibwe bwa tandula kazozo, na ya li nobutima bwibwe mihiga gyosi.

Amosi 3:15

Nda duya inyumba yenyinga yobukindu halala nenyumba yoluya; netsinyumba tsyetsinziga tsyetsinzogu tsi la diva, netsinyumba tsinene tsi la va nekiheri, Yahova a vola.

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Amosi 6:11

Kigira, henza, Yahova u haani lilaga, ku inyumba inene i la duywa i syavuke, nenyumba inkekeke i la duywa yadike.

Amosi 6:2

Mu vite kutsia Kaline mu lole; nokutwula yo mu tsie Hamathu linene; mu sulungute Gathu lya Vafilisiti; ubwami yibu bu veye bulahi kuvita yibu? Kinga lwako lwavo lu veye lunene kuvita lwenyu?

Obadia 1:1

Yili ni lilola lya Obadia. Mwami Yahova a vola ndi ku Edom: Ku huliye makuva ga twula ku Yahova, na mutumwa u tumwa mu tsihiri, kuvola, Mu vuke ku singire kulwane naye bulwani.

Obadia 1:10

Kigira kirage kya uyu amwavo wowo Yakobo ya kolerwa, tsisoni tsi la kukunika, na u la twulidzwa mihiga nemihiga.

Malaki 1:3

navutswa nda dunyira Esau, na nda kola vigulu vivye hatswa, na miyandu gyigye nda ha vibwe vyombulimu.

Matayo 12:30

Uyu u ta li halala ninze a hing'ana ninze; kandi u ta sannya ninze a salannya.