Malaki 1:14 - KITABU KITAKATIFU

¹⁴ Navutswa a laamwe uyu u gadanga u veye mu kyayo kikye kisatsa, navutswa a laga, nokuhaana ku Yahova kindu kilema; kigira mbeye Mwami munene, Yahova wa mahe a vola, na lieta lyange li tihidzangwa mu tsihiri.

Malaki 1:14 ပူးပေါင်းရင်းမြစ်များ

Litanga 27:12

Mbula dada wange a la mbavatidza, na inze nda manyekana kuye mbeye mugadi; na ndenyolera likyenwa, mbule kunyola ligasidzwa.

2 Samweli 24:24

No mwami ya volera Arauna, Auwa; navutswa inze nda gula vindu yivi ku ive nobuguli bwavyo; si nda haana ku Yahova Nyasaye wange, vihaanwa vyokusambwa vi ta li nelitunga. Ma Daudi ya gula lodze netsing'ombe netsishekeli makumi gatano tsyefetha.

Zaburi 102:16

Kigira Yahova yombaki Zioni; U loleki nobukumi bwibwe.

Zaburi 47:2

Kigira Yahova a veye Wegulu Ligali na wokutihidza; A veye Mwami munene ku lirova lyosi.

Zaburi 47:3

A gehidzanga avandu ku kwinye, Na avetsihiri isi wevirenge vyetu.

Zaburi 47:8

Nyasaye yamehanga ku tsihiri: Nyasaye yikala ku intebe yeye yobutakatifu.

Zaburi 48:2

Li veye lilahi lyekidiguluku, ubuyanzi bwelirova lyosi, Kigulu kya zioni, ku tsimbega tsya kasikasini Lidala lya Mwam; munene.

Zaburi 68:35

O Nyasaye, u veye welitihidza kutwula mu hatakatifu hoho: Nyasaye wa Israeli, a haananga tsingulu na ubunyali ku avandu veve. Nyasaye a gasidzwe.

Zaburi 76:12

A la kalaga mwoyo gwa ava nene: A veye mutihidzi ku avami avelirova.

Zaburi 95:3

Kigira Yahova a veye Nyasaye munene, A veye M wami munene kuvita avanyasaye vosi.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 46:18

Kuli inze mbeye mwoyo, Mwami a vola, welieta lilye li veye Yahova wa mahe, ligali kuli liva lya Taboru mu vigulu, kandi kuli liva lya Karimeli himbi nenyanza, ni ndiyo uyu a lidza.

Jeremia 48:10

A laamwe uyu u kolanga miyinzi gya Yahova nobugata; a laamwe uyu wigaliranga kivavi kikye ki vule kunyola masahi.

Jeremia 48:15

Moabu u lekeywi vutswa, navo vanegiye nokwingira mu madala gege, na avasoleli veve avatovolwa va sulunguta ku liitwa, Mwami a vola, welieta lilye li veye Yahova wa mahe.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Danyeli 9:4

Na nda saala Yahova Nyasaye wange, nokweyama ubwoni, nokuvola, O Mwami, Nyasaye munene nowokutihidza, u gumiranga lilagana, netsimbabasi navo ava mu yanzanga nokugumira malago gege,

Zefania 2:11

Yahova a la va litihidza kuvo; kigira a la ng'ahidza avanyasaye vosi velirova navandu va la sigamira uyu, sa mulala hango hehe, kali visulu vyosi vyetsihiri.

Zekaria 14:9

Na Yahova a la va Mwami welirova lyosi: mu lidiku yilyo Yahova a la va mulala, na lieta lilye lilala.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Malaki 1:8

Na lwa mu haananga kiboku kuva kihaanwa, si bu veye budamano? Kandi lwa mu haananga vilema nevilwaye, si bu veye budamano? Haana ku yivi ku Govuna wenyu kalunu; vi la yanzeka kuye? Kinga a la bugirira ive? Yahova wa mahe a vola.

Malaki 2:1

Kandi kalunu, O mwinye avasalisi, lilaga yili li veye ku mwinye.

Malaki 3:9

Mu laamwe nevilaamo; kigira mwibanga vindu vyange, kuduka ihiri yiyi yosi.

Matayo 24:51

a la mu temlnya, na a mu ha kidieli kikye halala navagadi: ha la va nokulira nokudyedyeidza amino.

Matayo 5:35

kali ku lirova, kigira na ha a vika virenge vivye; kali ku Yerusalemi ki gira ni lidala lyo Mwami munene.

Marko 14:8

U koli aga a nyala; u tangi kuduka kumbakira umubiri gwange gu tebwe.

Luka 12:46

mwami womutugwa zana a ladza ku lidiku lya a ta ganagana, kandi ku isaa ya a ta manya, a la mu kalannya ligali, na a mu ha kidieli kikye halala na vatasuuvira.

2 Vakorintho 8:12

Kigira ni gu ve ho mwoyo gwete geke gu bugirirangwa kuli kigero kyomundu a veye nakyo, si ga li kuli kigero kya a ta li nakyo mba.

Kwidzulitsa 28:58

Nu u va nu u sula kulinda nokukola amakuva gosi agelilaga yili lya ng'odwa mu kitabu yiki, u duke kutia lieta yili lyobukumi nelyokutihidza, YAHOVA NYASAYE WOWO;

1 Timoteo 6:15

mu tsinyinga tsyalyo U Veye Netsingulu Veng'ine, Wa Gasidzwa, Mwami wavami, Munene ku vamehanga kuli vanene, a la lolekidza;

Vahebraina 12:29

kigira Nyasaye wetu a veye muliru gu sambanga.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.