Malaki 1:13 - KITABU KITAKATIFU

¹³ Kandi mu vola yaga, Henza, inkuva yiyi i ku luhidzanga ku duka ndi na mwinye mu vi hudzudzanga nemiyeka gyomolo, Yahova wa mahe a vola; na mu leti kya vugulwa nekirage, kandi kilema, na kilwaye; ni ndiyo mu letanga vyokuhaanwa: ga ndukira ku bugirira kindu yiki mmakono genyu? Yahova a vola.

Malaki 1:13 ပူးပေါင်းရင်းမြစ်များ

2 Samweli 24:24

No mwami ya volera Arauna, Auwa; navutswa inze nda gula vindu yivi ku ive nobuguli bwavyo; si nda haana ku Yahova Nyasaye wange, vihaanwa vyokusambwa vi ta li nelitunga. Ma Daudi ya gula lodze netsing'ombe netsishekeli makumi gatano tsyefetha.

Isaya 1:12

Lwa mudza kuloleka imbiri wange, ni bwaha wenyanga inkuva yiyi mu makono genyu, kuduvaga mu mugidzi gwange?

Isaya 57:6

Kidieli kyenyu ki veye mu magina gomwivona amatereru; yaga ga veye ikura yoyo; ive u tsukanga kihaanwa kyokunwa kugo, u haananga kisyuu viriru. Nnyala nevindu yivi kuhambanywa na mwinye?

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Ezekieli 4:14

Hene yaho nda vola, Ah Mwami Nyasaye henza, mwoyo gwange si gwa vikwa mu budamano mba, kigira ku twula bwana buke bwange kuduka inyinga ya kalunu si nditsanga ku inyama yekudzira yene, kinga ya tandulwa nenyama yombulimu; kinga inyama yokuvihiriridza si yingira mu munwa gwange mba.

Ezekieli 44:31

Vasalisi va la vula kulia ku inyama yosi yekudzira yene, kinga ya tandulwa, ni li va linyonyi kinga inyama.

Hosea 13:9

O Israeli, weyononnyi mwene, navutswa ubukonyi bubwo bu veye mu inze.

Kyavalevi 22:8

Inyama inkudzu, kinga yiyi yenyama yombulimu i tandula, a ta gi lia, a vule kwivika mu budamano kuyo: inze mbeye Yahova.

Kyavalevi 6:4

hene yaho ga la va, na a kola ubwoni nokunyola lihyolo, a lirannya lya ya nyola ku linuula kinga kindu kya ya nyaga netsingulu kinga kyokulindwa kya vikwa kuye, kinga kya gota kya ya dola,

Amosi 8:5

ni mu vola, Mweli muhya yigu gu la hera inyinga ki, ku duke kugulidza ubu swage? Kandi lidiku lyelisahato li la vita inyinga ki, ku duke kulang'ami nya ingano, ku kole efa i ve inkekeke, na ishekeli ku gi kole i ve inene, noku kola ubugadi ku tsiratili tsyokugada;

Mika 6:3

O avandu vange, mmu koleye ki? Mmu luhidzi mu kindu ki? Mu lolekidze ku inze.

Malaki 1:10

Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

Malaki 2:12

Ku uyu u kolanga vindu yivi, Yahova a la twulidza mwegidzi nomwegidzwi, ku mahema ga Yakobo, na uyu u haananga kihaanwa ku Yahova wa mahe.

Malaki 2:13

Kandi mu kolanga yaga: mu tonya maliga ku bwali bwa Yahova, halala nokulira, nokukenya, a luhe a vule kuhenza vihaanangwa kinga kuvibugirira mmakono genyu nomwoyo gwokuyanza.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 6:5

Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

Kwidzulitsa 15:21

Ni ki va ni ki veye kilema, kisegera, ki veye kiboku, kinga kyobulema budamano ku bwosi, u ta ki haana ku Yahova Nyasaye wowo mba.

1 Samweli 2:29

Kunnngwa kigira ki mu lasanga luvasi ku kihaanwa kyange, nekisyuviriru kyange, vya nda laga mu hokumenya hange, no widzominya avana vovo kuvita inze, nokwekomeridza nevihaanwa vilahi vyavandu vange Israeli?