Malaki 1:10 - KITABU KITAKATIFU

¹⁰ Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

Malaki 1:10 ပူးပေါင်းရင်းမြစ်များ

2 Avami 12:6

Navutswa ga duka ndiyo, mu muhiga gwa makumi gaviri na gyivaka gwelyameha lyomwami Jehoashu, avasalisi va li ni va kikiri kulomba ha sasuguka henyumba.

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Jeremia 14:10

Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 6:20

Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Hosea 5:6

Va la tsia halala nevyayo vyavo vyamagondi netsing'ombe kwenya Yahova; navutswa si va la mu nyola mba: wivisi mwene kuvo.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Malaki 1:13

Kandi mu vola yaga, Henza, inkuva yiyi i ku luhidzanga ku duka ndi na mwinye mu vi hudzudzanga nemiyeka gyomolo, Yahova wa mahe a vola; na mu leti kya vugulwa nekirage, kandi kilema, na kilwaye; ni ndiyo mu letanga vyokuhaanwa: ga ndukira ku bugirira kindu yiki mmakono genyu? Yahova a vola.

Malaki 2:12

Ku uyu u kolanga vindu yivi, Yahova a la twulidza mwegidzi nomwegidzwi, ku mahema ga Yakobo, na uyu u haananga kihaanwa ku Yahova wa mahe.

Malaki 2:13

Kandi mu kolanga yaga: mu tonya maliga ku bwali bwa Yahova, halala nokulira, nokukenya, a luhe a vule kuhenza vihaanangwa kinga kuvibugirira mmakono genyu nomwoyo gwokuyanza.

Yohana 10:12

U tungangwa, na a ta veye mwayi, wamagondi ga ta va agege, a lola kisalang'ongo ni kidza, ma a leka magondi, yiruke, kandi kisalang'ongo ki ga gamula, kandi ki ga salannya:

1 Vakorintho 9:13

Si mu manya yava ava tumikanga mu vindu vyelitempeli, va litsanga ku vindu vyelitempeli, na yava ava tumikanga ku bwali va veye nekidieli kyavo halala nobwnli?

Vafilipi 2:21

Kigira vosi venya vyavo avene, si venyanga vindu vya Yesu Kristo.

Vahebraina 10:38

Navutswa mulungi wange a la va mwoyo kigira lisuuvira: Kandi ni yirana inyima mwoyo gwange si gu la mu yanza.

1 Petro 5:2

Mu linde kyayo kya Nyasaye ki veye ku mwinye, nokukihenza, ga ta va ku linigwa, navutswa ku mwoyo gwobuyanzi, kuli ubulaliri bwa Nyasaye: kandi ga ta va kigira linyola ubutugi budamano, navutswa nomwoyo gwobugulu;