Luka 9:41 - KITABU KITAKATIFU

⁴¹ Yesu ya tivula na a vola, Mwinye likula li ta suuvira nelihingi, nda va nemwinye kuduka inyinga ki? Kandi nda mu vererera kuduka inyinga ki? Leta mwana wowo hano.

Luka 9:41 ပူးပေါင်းရင်းမြစ်များ

2 Avami 5:8

Kunangwa, Elisha mundu wa Nyasaye, lwa ya hulira umwami wa Israeli u tanduyi tsingubo tsitsye, hene yaho ya tuma avatumwa ku mwami, na a vola, Kigira ki u tanduyi tsingubo tsitsyo? Yadze ku inze kalunu, na a la manya muprofeti a veye mu Israeli.

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Kutwula 10:3

Na Musa na Haruni vingira ku Farao, nava mu volera, Yahova Nyasaye wa Vahebraina a vola, U la sula kwegehidza imbiri wange kuduka inyinga ki? U lakule avandu vange va tsie kuntumekira.

Kutwula 16:28

Na Yahova ya volera Musa, Mu la sula kugumira malago gange na makuva gange kuduka inylnga ki?

Jeremia 4:14

O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

Livalidza 14:11

Na Yahova ya teva Musa, Avandu yava va la ndega kuduka inyinga ki? Na va la vula kusuuvira inze kuduka inyinga ki, kali ni nkoli vilolekidzu vyosi hagati havo?

Livalidza 14:27

Inze ndekudzera ku livugana lidamano yili, li monyanga, kuduka inyinga ki? Mbuliye limonya lya avana va Israeli lya va monyanga ku inze.

Matayo 11:28

Hambi ino mwinye mwosi ava nyankananga ku miyinzi midinyu nava minika, na inze nda mu sosidza.

Matayo 12:39

Navutswa ya tivula na a va volera Likula lidamano nelyobuheyi lyenya kilolekidzu; navutswa si li hebwa kilolekidzu, navutswa kilolekidzu kyomprofeti Jona.

Matayo 12:45

Kunangwa gu tsia kuleta roho gyitanu na gyiviri midamano kusira gwene, ni gyingira ni gyi menya mu: vya inyima vyomundu uyu ni vidamano kusira vye imbiri. Kandi vi la va ndiyo ku likula yili lidamano.

Matayo 16:4

Likula lidamano nelyobuheyi lyenya kyokuloiekidzira; navutswa si li la hebwa kyokulolekidzira mba, navutswa kyokulolekidzira kya Jona kyeng'ine. Ya va leka na a tsia.

Matayo 17:17

Yesu ya tivula na a vola, Likula li ta li nelisuuvira nelyokuhinga, nda va na mwinye kuduka inyinga ki? Nda mu vererera kuduka inyinga ki? Mu mu lete hano ku inze.

Matayo 23:36

Ligali, mmu volera, Vindu yivi vyosi vi la gwira likula yili.

Matayo 3:7

Navutswa lwa ya lola vanyingi ku Vafarisayo na Vasadukayo vadza ku libatidza lilye, ya va volera, Mwinye avana vetsinzoka, ibwaha ya mgerihidza mwiruke ubuvihiridzi budza nga?

Marko 10:14

Navutswa Yesu lwa ya lola, ya vihirirwa, na a va volera, Mu leke avana vakekeke vadze ku inze; mu ta vambakannya mba: kigira ubwami bwa Nyasaye bu veye bwa va li ndi.

Marko 10:49

Yesu ya si ngira na a vola, Mu rmu lange. Ku, va langa mboku ni va mu volera, U leme mwoyo: singira, a ku langa.

Marko 9:19

Ya va tivulira na a vola, Likula li vula kusuuvira, nda va halala nemwinye kuduka inyinga ki? Ndekudzihidzira ku mwinye kuduka inyinga ki? Mu mu lete ku inze.

Luka 8:25

Kandi ya va volera, Lisuuvira lyenyu li veye ha li ha? Va tia, ni va genya, ni va volerana, Ibwaha uyu, a loga kali kihuudzudzi nenyanza, na vi mu hulira?

Luka 9:40

Nda saala avegidzwi vovo va li twulidze; navutswa si va nyala mba.

Luka 9:42

Na a ki tsia, lya mu tula hasi, lidemone, ni li mu tandula ligali. Navutswa Yesu ya gaya roho mudamano, na a honnya muyai, na a mu ha ise.

Yohana 14:9

Yesu ya mu volera, Tsinyinga yitsi tsyosi mbeye halala ne mwinye, nive u ta manya inze, Filipu? U lola inze u loli Dada; kigira ki u vola, U ku mannye Dada?

Yohana 20:27

Maku ya volera Tomasi, Leta kidete kikyo u lole makono gange, kandi u lete mukono u hambe mu tsimbalu tsyange: u ta vula kusuuvira, navutswa u suuvire.

Vikolwa 13:18

Kandi ya va ha vyokulia kuli ise a lera, kuduka mbula mihiga amakumi gane, mu kyangalangwi.

Vikolwa 2:40

Na a va mannya amakuva gandi manyingi, na a veganehidza, na a vola, Mwehonnye ku likula yili likyamu.

Varumi 2:4

Naho u leganga ubutugi bwobugasu bwibwe nobwikudzihidzi bwibwe nobwikudziri bwibwe, si u manya ubulahi bwa Nyasaye bu ku letera lyeganira?

Kwidzulitsa 32:5

Veyononyi, si va veye avana veve, imbala i veye yavo; Va veye likula lidamano lyobukyamu.

Vahebraina 3:19

Kandi ku lola si va nyala kwingira kigira livula kusuuvira.

Vahebraina 4:11

Kunangwa kwidinnye kwingira mu bwelemeridzi zana, mundu ku vosi a ta gwa ku lugano lwelifwana zana.

Vahebraina 4:2

Kigira kwinye kwilwadzwa ivangeli kuli yavo, navutswa likuva lya va hulira si lya va konya, kigira va vula ku tsuganya lisuuvira halala nelihulira.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.