Luka 9:26 - KITABU KITAKATIFU

²⁶ Kigira ku vosi u li mbera tsisoni na makuva gange, naye Mwana wa Adamu a la mu vera tsisoni lwa a lidza mu bukumi bwibwe mwene, nobwa Dada wewe, nobwe tsingelosi avatakatifu.

Luka 9:26 ပူးပေါင်းရင်းမြစ်များ

Isaya 53:3

Ya legwa, navandu va mu sula; ya li mundu welivererera, ya manya ubuverereri ligali: kandi ya legwa kuli mulala wavandu va visa mmoni mwavo; na si kwa vola a veye kindu.

Danyeli 7:10

Mugera gwomuliru gwa senuka nokutwula imbiri wewe: tsielfu hali tsielfu va mu tumekira, na tsielfu likumi hali tsielfu likumi va singira imbiri wewe: na likalaga lya singeridzwa, na vitabu vya kunulwa.

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Matayo 26:64

Yesu ya mu volera, Ive u voye: navutswa mmu volera, Inyinga yidzanga mu la lola Mwana wa Adamu yikaye ku mkono mulungi gwo Wetsingulu, ni yadza kumalesi gomigulu.

Marko 8:38

Ku vosi u vera inze tsisoni namakuva gange mu likula lyobuheyi yili nelyobwoni; Mwana wa Adamu a la mu vera tsisoni, lwa a li duka nobu kumi bwa Ise wewe netsingelosi.

Yohana 12:43

kigira va yanza ubukumi bu twula ku vandu kuvita ubukumi bu twula ku Nvasaye.

Yohana 5:44

Mu nyala ndi kusuuvira mwinye ava hereridzana ubukumi, mu vula kwenya ubukumi bu twula wa Nyasaye u veye yeng'ine?

Vikolwa 10:22

Ni va vola, Kornilyo, munyampara, mundu mulungi, wa tia Nyasaye, kandi u veye nelidzominywa ku ihiri yosi ya Vayuda, wa Nyasaye ya mannya nengelosi mutakatifu a tume kulanga ive u tsie mu inyumba yeye, a duke kuhulira amakuva ku ive.

Varumi 1:16

Kigira si mbeye soni nevangeli, kigira i veye tsingulu tsya Nyasaye i duke ku buhonnyi ku vosi ava suuvira, kutanga ku Vayuda kandi ku Vagreki.

2 Vakorintho 12:10

Kunangwa nyanzi mu budedekere, mu busaliri, mu budaka, mu lidambidzwa, mu kivi, kigira Kristo: kigira inyinga mbeye mudedekere, nilwo lwa mbeye ne tsingulu.

Vagalatia 6:14

Navutswa li ve hale ku inze liidzominya ni li ta li ku musalaba gwo Mwami wetu Yesu Kristo, kugwo vyelirova vi gwiye vibambe ku inze, na inze ngwiye mubambe ku vyelirova.

1 Timoteo 5:21

Nku laga imbiri wa Nyasaye, nembiri wa Kristo Yesu, nembiri wetsingelosi ava tovolwa, u linde vindu yivi bugira kuva nelikalaga lya bwangubwangu, kandi u ta kola kindu kali kilala nelyeridza.

2 Timoteo 1:12

Kigira yaga nyolanga vindu yivi: navutswa si mbeye isoni; kigira mmanya uyu wa nsuuviranga, kandi mmanya ligali a nyala kulinda kya nda vika kuye kuduka ku lidiku yilyo.

2 Timoteo 2:12

ni ku saliridzwa, kandi ku lameha halala naye: ni ku mwambakana, naye a la kwambakana;

Vahebraina 11:26

a vola linyegwa lya Kristo li veye ubutugi ubunene kuvita ubutugi bwa Egepeti: kigira ya henzerera madanyi.

Vahebraina 13:13

Kunang va kalunu ku twule ku duke ha a veye kyova wamahema, ni ku gingi linyegwa lilye.

Yudasi 1:14

Kandi uyu Enoka, u kola katano na kaviri inyima wa Adamu, ya profeta kuvo, na a vola, Henza, Mwami yadza nelihe lilye lye tsielfu likumi litaka tifu,

Likunula 1:7

Henza, yadza mu malesi; kandi tsimoni tsyosi tsi la mu lola, kandi ava mu tumita; kandi tsihiri tsyosi tsyelirova tsi la lira kuye. Yee, Amini.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 3:5

Uyu u guutanga a la vikwa ndi tsingubo tsindavu; na inze si ndeya lieta lilye mba mu kitabu kyelivamwoyo, kandi ndeyama lieta lilye imbiri wa Dada wange, kandi imbiri wetsingelosi veve.