Luka 9:22 - KITABU KITAKATIFU

²² na a vola, Mwana wa Adamu ga mu dukira a saliridzwe vindu vinyingi, kandi avakulundu, navasalisi vanene, navang'odi va mwambakana, kandi yiitwe, nelidiku lya gavaka a simugukidzwe.

Luka 9:22 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Danyeli 9:26

Kandi inyima wa masidza makumi gatano nelilala na tsisuvi tsiviri, uyu u vakeywi a la temannywa, na a la va bugira kindu: na avandu vomunene u liidza va lononnya lidala na hatakatifu; na kiheri kyalyo ki la va halala na amadzi manene, na kuduka ku kiheri ha la va nelihe; likola hatswa li saavirwa.

Zekaria 13:7

U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Matayo 17:12

navutswa mmu volera, Elija u mali kuudza, navo si va mu manya mba, navutswa va mu kolera vyosi kuli vya va yanza. Kandi ndiyo va la kupidza Mwana wa Adamu, kivi.

Matayo 17:22

Lwa va menya mu Galilaya Yesu ya va volera, Mwana wa Adamu a la zamwa mu makono gavandu;

Matayo 27:63

ni va vola, Mwami, kwidzulitsa uyo mugadi ya vola lwa ya kikiri mwoyo, Inze inyima ya madiku gavaka nda simuguka.

Marko 8:31

Na a tanga kuvegidza vindu vinyingi, na a vola, Mwana wa Adamu, ga mu dukira kukupidzwa kivi kinene, kandi avakulundu, na vasalisi vanene, navang'odi va la mu lega nokumwiita, kandi inyima yama diku gavaka a la simuguka kandi.

Marko 9:31

Kigira yegidza avegidzwi veve na a va volera, Mwana wa Adamu a la zamwa avandu, va mu gumire na va mwiite; lwa yiitwa inyima ya madiku gavaka a la simu guka kandi.

Luka 17:25

Navutswa agembiri ga mu dukira kugwi rwa vindu vinyingi, nokwambakanwa nelikula yili.

Luka 24:26

Si bu li bulahi Kristo a saliridzwe vindu yivi vyosi nokwingira mu bukumi bwibwe?

Luka 24:44

Kandi ya va volera, Yaga namakuva ga nda mu volera, lwa nda li halala nemwinye, Vindu vyosi vya ng'odwa ku inze mu lilaga ya Musa nomu vaprofeti nomu zaburi, vi nigwa vi kolwa.

Luka 24:7

na a vola, Mwana wa Adamu ga mu dukira kuvikwa mu makono gavoni, nokubambwa, nokusimuguka ku lidiku lyagavaka.

Luka 9:44

Amakuva yaga gingire mu matu genyu: kigira Mwana wa Adamu a la zamirwa makono gavandu.

1 Vakorintho 15:4

kandi ya tebwa; kandi u mali kusimu gukidzwa ku lidiku lya kavaka kuli mang'oda;

1 Petro 1:11

venya i veye inyinga ki, kandi i veye inyinga yolugano ki ya Roho wa Kristo wa li muvo ya mannya, inyinga ya tanga kulang'aminya ubusaliri bwa Kristo, nobukumi bu li va ho inyima.