Luka 9:1 - KITABU KITAKATIFU

¹ Langa ava li likumi na vaviri, na a va ha amaha netsingulu ku mademone gosi, nokuhonnya tsinkudzo.

Luka 9:1 ပူးပေါင်းရင်းမြစ်များ

Matayo 16:19

Ninze nda ku ha lufunguo lwobwami bwomigulu: navyo vyosi vya u li boha mu lirova, navyo vi la bofwa migulu; navyo vyosi vya u li boholola mu lirova kandi vi la bohololwa migulu.

Matayo 4:24

Amakuva gege ga landa mu Siria yosi: ni va mletera avalwaye vosi, ava li netsinkudzo lugano lugano, nobusaliri, navo ava li na mademone, na va li nendulume, navaleema; naye ya va honnya.

Matayo 8:9

Kigira inze mbeye mundu mkekeke ku sirikali, kandi mbeve navasikari vake keke ku inze: ni mbolera uyu, Tsia ma a tsia; na uyu, Hamba, ma yadza, na mutugwa wange, Kola yaga, ma a kola.

Luka 10:1

Inyima ya yaga, Mwami ya tovola avandi amakumi gatanu na gaviri, na a va tuma se vaviri imbiri wewe, mu madala gosi na hosi ha yenya kutsia mwene.

Luka 10:19

Henza, mmali kumuha tsingulu kuduvaga tsinzoka neng'e, kandi ku tsingulu tsyosi tsyomusigu: kandi si ha li nekindu ki li mwononnya kali hakuzu.

Yohana 14:12

Ligali, ligali mmu volera, Uyu u suuvira inze miyinzi gya nkolanga naye kandi a la gyi kola; kandi a la kola minene ku vita yigyi; kigira inze ntsitsa wa Dada.

Vikolwa 1:8

Navutswa mwinye mu la nyola tsingulu lwa Roho Mutakatifu a lidza ku mwinye: mu la va avalolekidzi vange mu Yerusalemi, kandi mu Buyuda bwosi kandi mu Samaria, kandi kuduka ku kiheri kyelirova.

Vikolwa 3:16

Kandi lieta lilye, ku lisuuvira ku lieta lilye, li mali kuha mundu uyu tsingulu, wa misuuvira lola nowa mu manya: ligali, lsuuvira li veye ku lieta lilye li mali kumuha ubulamu yibu ubwere imbiri wenyu mwosi.

Vikolwa 4:30

nive kandi u nyire mukono gugwo kuhonnya; kandi vilolekidzu nevyokugenya vi kolwe ku lieta lya Yesu Mutumekiri wowo mutakatifu.

Vikolwa 9:34

Kandi Petro ya mu volera, Ainea, Yesu Kristo a ku honnya: vuka, wale kitali kikyo. Kandi va vuka nonoho.