Luka 8:47 - KITABU KITAKATIFU

⁴⁷ Mukali lwa ya lola si ya nyala kwivisa, yadza na a degera, na a gwa hasi imbiri wewe na a vola imbiri wavandu vosi kya ya mu dirira, kandi kuli ya honnywa bwangu.

Luka 8:47 ပူးပေါင်းရင်းမြစ်များ

Zaburi 2:11

Mu tumekire Yahova nobutii Mu sangale nelidegera.

Zaburi 38:9

O Yahova, lyenya lyange lyosi li veye imbiri wowo; Na likenya lyange si li viswa ku ive.

Zaburi 66:16

Hambi, mu hulire, mwinye vosi avatidzanga Nyasaye, Na nda mu volera aga u koleye mwoyo gwange.

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Hosea 13:1

Lwa Efiraim ya vola, lidegera lya li ho; yeyidzominya mwene mu Israeli; navutswa lwa ya kola mahyolo mu Baal, ya kudza.

Hosea 5:3

Mmanya Efiraim, na Israeli si a viswa ku inze; kigira kalunu, O Efiraim, wekoli wamalaya, Israeli u nyoye budamano.

Habakuk 3:16

Inze nda hulira, na mubiri gwange gwa degera, Minwa gyange gya degera kigira mwoyo gwigwe; Ubugundu bwingira mu vigumba vyange, na nda degera mbugono bwange; Nduke kusosa mu lidiku lyekivi, Inyinga yelyanegira lyavandu va ku twulira nelihe.

Matayo 28:8

Ni va twula mu kilindwa nobutii nobuyanzi bunene, ni va nyagula kuvolera avegidzwi veve.

Marko 5:33

Navutswa mukali ya tia na a degera na a manya kya a koleywi, yadza na a gwa hasi imbiri wewe na a mu volera gosi ageligali.

Luka 8:46

Navutswa Yesu ya vola, Ha veye nomundu u ndiye; kigira nzelola tsingulu tsi twuli ku inze.

Luka 8:48

Naye ya mu volera, Mkana wange, lisuuvira lilyo li ku honnyi; u tsie nemirembe.

Vikolwa 16:29

Na ye yenya tsitaya ni yingira, na a degera nobutii bunene, na a gwa hasi imbiri wa Paulo na Sila,

1 Vakorintho 2:3

Nda li nemwinye nobudedekere nobutii, nelidegera linene.

2 Vakorintho 7:15

Kandi ubuyanzi bwibwe bwa kira ligali ku mwinye, lwa yidzulitsanga lihulira lyenyu mwosi, kuli mwa mu bugirira nobutii nelidegera.

Vafilipi 2:12

Kunangwa, avayanze vange mu dukidze ubuhonnyi bwenyu avene nobutii nelidegera, kuli mwa hulira madiku gosi, si ya li inyinga ya nda li ho, navutswa kalunu kuvita ligali inyinga ya nta li ho.

Vahebraina 12:28

Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza:

1 Samweli 16:4

Na Samweli ya kola ga Yahova ya vola, na ya duka Beth-lehemu. Na vakulundu velidala va tsia kumwaganira ni va degera, ni va mu teva, U duka nemirembe?