Luka 8:24 - KITABU KITAKATIFU

²⁴ Ni va tsia kuye Di va mu vukidza, ni va vola, Mwami, Mwami, ku veye mu budivi. Ya vuka na a gaya kihuudzudzi, nevi guvuii vya madzi: vya hera, gwa li mubng'eera linene.

Luka 8:24 ပူးပေါင်းရင်းမြစ်များ

Zaburi 65:7

U kiring'annya liyoga lyetsinyanza, Liyoga lyeviguvuli vyatsyo, Na kivihiri kya avetsihiri.

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Jeremia 5:22

Si mu tia inze? Yahova a vola: si mu degera imbiri wommoni mwange, inze wa vika muyeke kuva lwako lwenyanza, ku lilaga li singiranga madiku gosi, i vule kunyala kuvita? Kali viguvuli vyayo ni vyehinula, si vi nyala kuguuta; kali ni vi luuma, si vi nyala kuvita kulwo.

Nahum 1:4

A gondokiranga inyanza, na a gi kaminyanga, kandi a kaminyanga migera gyosi: Bashan va nialanga, na Karimeli; nekimuli kya Lebanon ki nialanga.

Matayo 14:30

Navutswa lwa ya lola imbuudza ya tia; na a tanga kwiina ni yanira na a vola, Mwami, u mbonnye.

Matayo 8:25

Vadza kuye ni va mbukidza, ni va vola, Mwami, u ku konye, ku divanga.

Marko 4:39

Na a vuka na a gaya imbuudza, na a volera inyanza, Kiring'ana, u leng'ere. Nembuudza ya hera, ni gu va muleng'era munene.

Luka 4:35

Yesu ya mu gaya, na a mu volera, Kiring'ana, u twule kuye. Lidemone lwa lya mala kumutula hasi, hagati havo lya twula kuye, si lya mu kola kindu.

Luka 4:39

Ya singira imbiri wewe na a gaya uluhuudza; na lwa mu leka: nonoho ya twula na a va tumekira.

Luka 5:5

Simoni ya tivula na a mu volera, Mwami, kwa li kukola miyinzi ubudiku pei si kwa nyola kindu: navutswa kigira likuva lilyo nda vika imiluvo.

Luka 8:25

Kandi ya va volera, Lisuuvira lyenyu li veye ha li ha? Va tia, ni va genya, ni va volerana, Ibwaha uyu, a loga kali kihuudzudzi nenyanza, na vi mu hulira?