Luka 8:1 - KITABU KITAKATIFU

¹ Inyima wa yaga hakekeke, ya gendagenda rmu madala nomu tudala, ni yilwadza na a leta amakuva malahi gobwami bwa Nyasaye, kandi ava li likumi na vaviri va li halala naye,

Luka 8:1 ပူးပေါင်းရင်းမြစ်များ

Matayo 11:1

Na ga duka lwa Yesu ya mala kweganehidza avegidzwi veve likumi navaviri, ya twula ho na a tsia kwegidza nokwilwadza mu madala gavo.

Matayo 13:19

Mulala lwa a hulira likuvalyobwami, na a vula kulimanya, mudamano yadza na a mu nyaga yili lya a ve kumidzwa mmwoyo gwigwe. Uyu niye wa midzwa ku inzira ha luvega.

Matayo 4:23

Yesu ya vodonkana mu Galilaya mwosi, ni yegidza mu masomero gavo, ni yilwadza ivangeli yobwami, na a honnya tsinkudzo tsyosi nobudekeranu bwosi bwavandu.

Matayo 9:35

Yesu ya vodonkana mu madala gosi na mu tudala na yegidza mu masomero, ni yilwadza ivangeli yobwami, na a honnya tsinkudzo tsyosi nobudekeranu bwosi.

Marko 1:39

Na a tsia ni yingira mu masomero gavo ga li mu Galilaya mwosi, ni yilwadza na a twulidza amademone.

Luka 1:80

Mwana ya viruka na a dasa tsingulu mu mwoyo gwigwe, na a menya mwigendanyama kuduka inyinga yeye yokuloleka ku Israeli.

Luka 20:1

Ku lilala ku madiku zana, lwa yegidza avandu mu litempeli, ni yilwadza ivangeli, vadza kuye avasalisi vanene navang'odi halala navakulundu;

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Luka 9:6

Navo va twula ni va tsia mu tudala twosi, ni vilwadza ivangeli, ni va honnya hosi.

Vikolwa 10:38

Yesu wa Nazareti kuli Nyasaye ya mu vaka Roho Mutakatifu netsingulu: wa vodonkana na a kola bulahi, na a honnya vosi ava Setani a legerera, kigira Nyasaye ya li halala naye.

Vikolwa 13:32

Kandi kwinye ku letera mwinye amakuva malahi, agelisuuviridza lya vaguga va hebwa,

Varumi 10:15

Kandi va lilwadza ndi bugira kutumwa? Kuli wa ga ng'odwa, Avya li vilahi ki ivirenge vya yavo ava leta amakuva gevindu vilahil.