Luka 7:47 - KITABU KITAKATIFU

⁴⁷ Kigira yaga, nku volera, U sameheywi ubwoni bwibwe bu li bunyingi, kigira ya yanza ligali: navutswa u samehangwa hakekeke a yanzanga hakekeke.

Luka 7:47 ပူးပေါင်းရင်းမြစ်များ

Isaya 1:18

Kalunu hambi, ku lombe makuva, Yahova a vola: kali ubwoni bwenyu ni bu va ni bu veye bwakanyu ligali, bu la va ubulavu ligali kuli likonza; ni bu va ni bu veye bwakanyu kuli kibaara bu la va kuli pamba

Isaya 55:7

mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

Ezekieli 16:63

u duke kwidzulitsa, nokutimuka enkolo, u vule kukunula munwa gugwo kandi, kigira tsisoni tsya u veye natsyo, lwa nku sameha yaga gosi aga wa kola, Mwami Nyasaye a vola.

Mika 7:19

A lirana nokukuvererera; a la duvagira ubudamano bwetu isi wevirenge; na u la syuva ubwoni bwavo bwosi mu luliva lweinyanza.

Matayo 10:37

U yanzanga ise na mama wewe kuvita inze si a dukana ninze; kandi u yanzanga mwana muyai kinga mukana kuvita inze, si a dukana ninze.

Luka 7:39

Kunangwa Mufarisayo wa mu langa, lwa ya lola ndi, ya ganagana, Mundu uyu na a va muprofeti, nkano u manyi ya li bwaha, kandi kuli a veye mukali wa liva ki u mu diranga, kigira a veye mwoni.

Luka 7:46

Ive si wa mbaka mutwe gwange amaguta: navutswa uyu u mbaki virenge vyange namaguta ga funya mwayu.

Luka 7:48

Kandi ya mu volera, Ubwoni bubwo bu sameheywi.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Varumi 5:20

Kandi lilaga lya duka, lihyola li duke kukira; navutswa hobwoni bwa kira, tsimbabasi tsya kira ligali;

2 Vakorintho 5:14

Kigira ubuyanzi bwa Kristo bu ku niganga kigira ku ganagana ndi, mulala na a va ni ya kudzira vosi, vosi va kudza;

Vagalatia 5:6

Kigira mu Kristo Yesu likevwa si li konya kindu, kinga livula kukevwa; navutswa lisuuvira li kolanga miyinzi kigira ubuyanzi.

Vafeso 6:24

Tsimba basi tsi ve navo vosi ava yanzanga Mwami wetu Yesu Kristo, neliyanza li ta li nobwoneku.

Vafilipi 1:9

Kandi yaga nsaala, ubuyanzi bwenyu bu klre kukira mu limanya nomu bugeeri bwosi:

1 Timoteo 1:14

kandi tsimbabasi tsyo Mwami wetu tsya kira ligali halala nelisuuvira nobuyanzi bu veye mu Kristo Yesu.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.

1 Yohana 3:18

Avana vakekeke, ku ta yanza mu likuva, kinga nolulimi; navutswa mu likola nomu ageligali.

1 Yohana 4:19

Kwinye ku yanza kigira ya tanga kukuyanza.

1 Yohana 5:3

Kigira yibwo nu buyanzi bwa Nyasaye, ku gumire amalago gege: kandi amalago gege si ga li malitu mba.