Luka 7:41 - KITABU KITAKATIFU

⁴¹ Mwekopidzi mulala ya li nava magovi veve vaviri: mulala ya li neligovi lyetsishilling tsimia tsitanu, nowundi amakumi gatanu.

Luka 7:41 ပူးပေါင်းရင်းမြစ်များ

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Jeremia 3:11

Yahova ya mbolera, Israeli wirana inyima welolekidzi mwene kuva wobulungi kuvita Yuda wobugadi.

Livalidza 27:3

Dada wetu ya kudzera mwigendanyama, naye si ya li wekiduma kya yavo ava vugana halala kuhing'ana na Yahova mu kiduma kya Kora: navutswa ya kudza mu bwoni bwibwe mwenenaye ya li bugira avana avayai.

Matayo 18:28

Navutswa mtugwa uyo ya twula na a nyola mulala ku vakye veve, wa li neligovi lye tsishilling mia: na a mu gurnira mu ligote, na a vola, U ntunge ligovi.

Matayo 6:12

U ku samehe magovi getu, kuli kwinye ku sameha avamagovi getu.

Marko 6:37

Navutswa ya tivula na a va volera, Mu va he vyokulia. Na va mu volera, Ku tsie kugula ubukima bwetsishilling mia tsiviri ku va he va lagire?

Luka 11:4

U ku samehe ubwoni bwetu; kigira kwinye avene ku sameha avoni vetu. U ta ku hila mu ligeridzwa.

Luka 12:48

Navutswa uyu wa vula kumanya na a kola vindu vi dukani nobukinduki, a la kuywa hakekeke. Ku vosi u hebwa vinyingi a la tevwa vinyingi: naye u hebwa vinyingi, va la mu teva vinyingi kuvita.

Luka 13:4

Naho yavo likumi na vatanu na vavaka avomnara gwa gwira mu Siloam ni gu viita, mu ganagana va li avekivihiri kuvita avandi vosi ava menya Yerusalemi?

Luka 7:40

Yesu ya tivula na a mu volera, Simoni, mbeye nelikuva lya nyenya kukuvolera. Naye ya mu volera, Mwegidzi, vola.

Luka 7:47

Kigira yaga, nku volera, U sameheywi ubwoni bwibwe bu li bunyingi, kigira ya yanza ligali: navutswa u samehangwa hakekeke a yanzanga hakekeke.

Varumi 3:23

Kigira vosi va kola ubwoni, va vula kuduka ku ubukumi bwa Nyasaye;

Varumi 5:20

Kandi lilaga lya duka, lihyola li duke kukira; navutswa hobwoni bwa kira, tsimbabasi tsya kira ligali;