Luka 7:12 - KITABU KITAKATIFU

¹² Lwa ya duka himbi ha kiribwa kyelidala, henza, mukudzu ya letwa kyova, a veye muderwa ku mama wewe, naye nu mukunzakali, navandu vanyingi velidala va li halala naye.

Luka 7:12 ပူးပေါင်းရင်းမြစ်များ

Litanga 22:12

Naye ya vola, U ta hila mukono gugwo ku mwana, kandi u ta kola kindu kuye; kigira kalunu mmanya ive u tidzanga Nyasaye, kigira si u nyimi mwana wowo, mwana muderwa wowo.

Litanga 22:2

Na ya mu volera U vugule mwana wowo, mwana wowo muderwa, wa u yanza, Isaka, u tsie mu kivala kya Moria; u mu haane yaho a ve kihaanwa kyokusambwa ku kigulu kya nkumannya.

2 Samweli 14:7

Na, henza, aviko vosi va vukiye inze, mukana mutugwa wowo, na va vola, U twulidze uyu wa kuya amwavo wewe, ku duke kumwiita kigira livamwoyo lyamwavo wewe wa yiita, na ndiyo va la gotidza wemi yandu kandi. Na hene yaho va la siminya lianda lyange lya tigala, na va la vula kulekera musatsa wange lieta kinga wa tigala ku lirova.

1 Avami 17:12

Naye ya tivula, Kuli Yahova Nyasaye wowo a veye mwoyo, inze si mbeye nobukima mba, navutswa vya mbeye navyo, nobusie uluhe lulala mu inyingu, na maguta makekeke mu kiseve: na, henza, inze ntenyanga tsinku tsiviri yitsi, ntsie kulugira inze mwene nomwana wange, ku lagire ma ku kudze.

1 Avami 17:18

Naye ya volera Elija, Nda ku kolera ki, O ive mundu wa Nyasaye? U duki hano ku inze kwidzulitsa ubwoni bwange, nokwiita mwana wange

1 Avami 17:23

Na Elija ya vugu la mwana, na a tsia naye kutwula mu kegodi, na a mu leta mu inyumba, na a ha mama wewe; na Elija ya mu vo lera, Ole, mwana wowo a veye mwoyo.

1 Avami 17:9

Singira u tsie Zarefathu, lidala lya Sidone u menye yo: kigira mali kulaga mukali mukunzakali ha zana a ku dekera.

2 Avami 4:16

Elisha ya mu volera, Inyinga kuli yiyi, umuhiga gudzanga, u la va nomwana muyai mu makono gogo. Naye ya vola, Auwa, munene wange, ive mundu wa Nyasaye, u ta vehera inze mukana mutugwa wowo.

2 Avami 4:20

Naye lwa ya mu vugula, nokumuhila ku mama wewe, yikala ku amalu gege kuduka mbasu hagati, na ya kudza.

Ayubu 29:13

Ligasidza lya uyu wa li ahimbi kudiva lya duka ku inze; Nomwoyo gwomukunzakali nda gu kola gwimbe nobusangali.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Luka 7:11

Lwa inyima hakekeke ya tsia mu lidala lya langwa Naini; navegidzwi va mu londa, nekiduma kinene.

Luka 7:13

Mwami, lwa ya mu lola ya mu vererera, na a mu volera, U ta lira mba.

Luka 8:42

kigira ya li nomwana mukana muderwa, ya li nemihiga gyenya kuduka likumi na gyiviri, naye yenya kukinda. Navutswa lwa ya tsia, viduma vya yumba kuye.

Luka 8:52

Kandi vosi va lira ni va syoma: navutswa ya vola, Mu ta lira; si ya kudzi mba, navutswa a gonanga.

Yohana 11:19

kandi vanyingi ku Vayuda vadza ku Marita na Maria va va leminye mwoyo kigira mbotso wavo.

Vikolwa 9:39

Petro ya twula na a va londa. Kandi lwa ya duka, va nina naye mu inyllmba igulu: navakunzakali vosi va singira naye ni va lira ni va mu mannya amakoti, netsingubo tsya Dorkasi ya nava lwa ya li halala navo.

Vikolwa 9:41

Naye ya mu ha mukono gwigwe na a mu singeridza; kandi ya langa vatakatifu navakunzakali, na a mu vika imbiri wavo a veye mwoyo.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.