Luka 6:49 - KITABU KITAKATIFU

⁴⁹ Navutswa uyu u hulira na a ta kola a veye kuli mundu wombaka inyumba yeye ku marova bugira muse; yomugera gwa kupa ku induta, kandi nonoho ya gwa; kandi ligwa lyayo lya li linene.

Luka 6:49 ပူးပေါင်းရင်းမြစ်များ

Tsing'ano 28:18

Ku vosi uyu u genda nobulungi a la honywa; Navutswa uyu u kyaminya tsi nzira tsitsye a la gwa nonoho.

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Hosea 4:14

Si nda ha avakana venyu amageli lwa vekola malaya, kandi aviha venyu si nda va ha mageli lwa va heya; kigira avasatsa avene va tsia ha luvega halala navamalaya, na va haana vihaanwa vyavo halala navakali vama laya; navandu va ta li nelimanya va lononnywa.

Matayo 23:3

kunangwa vyosi vya va mu volera mu kole, mu vi gumire: navutswa mu ta kola kuli va kola; kigira va vola, navutswa si va kola.

Matayo 24:10

Hene yaho vanyingi va likigitala, kandi va la zamana avene, nokudunyirana.

Marko 4:17

avene si va veye nemiri, ma vidinyiridza hakekeke; ma lwa va lola kivi nobudambidzwi kigira likuva, nonoho vikigitala.

Luka 12:47

Mutugwa uyu wa manya ubulaliri bwomwami wewe na a tetegeka, kandi na a ta kola kuli ubulaliri bwomwami wewe a la kuywa ligali.

Luka 19:14

Navutswa ava ndu veve va mu dunyira ni va tuma avandu kumulonda, nokuvola, Si kwenya mundu uyu a kwamihire.

Luka 19:27

Navutswa avasigu vange yava ava ta yanza inze nzamihe kuvo, mu va lete hano, mu viitire imbiri wange.

Luka 6:46

Kandi kigira ki mu nanga, Mwami, Mwami, navutswa si mu kola ga mbola?

Luka 6:48

A veye kuli mundu wombaka inyumba yeye, na a yava, ni yikidza hasi, na a vika muse ku lwanda. Kandi amadzi lwa gazula nomugera gwa kupa induta ku inyumba yeyo, si ya nyala kugidengeyidza: kigira ya li ni yombakwa bulahi.

Luka 7:1

Lwa ya mala kudukidza amakuva gege gosi mu matu gavandu, yingira mu Kapernaume.

Yohana 15:2

Ku tsisya tsyosi tsi veye ku inze ulu tama, a la lu twulidza, nalwo lwamanga, a la lu halulira lu dase kwama.

Vikolwa 20:29

Inze mmanya inyima yokutwula kwange ivisalang'ongo vilulu vi lingira mu mwinye vi ta vererera kyayo;

Vikolwa 26:11

Nda va ha amageli tsinyinga tsinyingi mu masomero gosi, ni ngeridza kuvakola va nyege; kandi ndizula ubutima ligali, nda va dambidza kali kuduka mu madala ga vandi.

1 Vatesalonike 3:5

Kigira yaga inze lwa nda vula kunyala kwikudzira kandi, nda tuma mutumwa nduke kumanya lisuuvira lyenyu, namsya mugeridzi wa mu geridza ku makuva gosi, nemiyinzi gyetu gyi ve gya vutswa.

2 Petro 2:20

Kigira niva inyima yokutwula mu vindu vyekifwabwi kyelirova ku limanya Mwami Muhonnyi Yesu Kristo, ni virana kuhambwa kandi nokuguutwa mukyo, liva lyavo lyenyima li gwiye lidamano kuvita lyembiri.

1 Yohana 2:19

Va twula ku kwinye, navutswa si va li ku kwinye; kigira ni va veye ku kwinye, nkano va menya nekwinye: navutswa va twula ku kwinye va lolekidzwe vosi si va li ku kwinye.