Luka 6:47 - KITABU KITAKATIFU

⁴⁷ Ku vandu vosi udza ku inze na a hulira amakuva gange na a ga kola, nda mu mannya kuli a fwana.

Luka 6:47 ပူးပေါင်းရင်းမြစ်များ

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Matayo 12:50

Kigira ku vosi u li kola ubulaliri bwa Dada wange u veye migulu niye amitu wange, nambotso wange, na mama wange.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Luka 11:28

Navutswa ya vola, Yee, navutswa va veye nobugasu ava hulira likuva lya Nyasaye, na va li gumira.

Luka 14:26

Mundu ni yadza ku inze na a ta dunyira dada wewe, na mama wewe, nomukali, navana, navamwavo, navabotso, yee neliva mwoyo lilye kandi, si a nyala kuva mwegidzwi wange mba.

Luka 6:48

A veye kuli mundu wombaka inyumba yeye, na a yava, ni yikidza hasi, na a vika muse ku lwanda. Kandi amadzi lwa gazula nomugera gwa kupa induta ku inyumba yeyo, si ya nyala kugidengeyidza: kigira ya li ni yombakwa bulahi.

Luka 8:13

Navo va veye ku lwanda nava, lwa va hulira va bugirira likuva nobuyanzi; navutswa si va li nemiri, ava suuvira hakekeke, navutswa inyinga yeligeridzwa va twula.

Luka 8:8

Nobundi bwa gwa mu marova malahi, ni bu mera, ni bwama sa lulala hali mia. Lwa ya vola vindu yivi ya hanzuka, na a vola, U veye na matu gokuhulira, a hulire.

Yohana 10:27

Magondi gange ga hulira mwoyo gwange, kandi inze nga manya, kandi ga nonda:

Yohana 13:17

Mwinye ni mu manya vindu yivi, mu veye nobugasu ni mu vi kola.

Yohana 14:15

Ni mba ni mu yanza inze, mu la gumira malago gange.

Yohana 5:40

kandi mwinye si mu yanza kuudza ku inze mu nyole livamwoyo.

Yohana 6:35

Yesu ya va vo lera, Inze nibwo ubukima bweliva mwoyo: uyu udza ku inze si a li lola inzala mba, kandi u suuvira inze si a li lola ubuluhu mihiga nemihiga.

Yohana 6:37

Vyosi vya Dada a mbedza vi ladza ku inze; naye udza ku inze si nda mu kunga mba.

Yohana 8:52

Avayuda va mu volera, Kalunu ku manya u veye nelidemone. Abrahamu ya kudza, kandi avaprofeti; nive u vola, Mundu na a gumira likuva lyange si a li tsatsama likudza mihiga nemihiga.

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

Yakobo 4:17

Kunangwa u manya kukola bulahi navutswa si ya kola, kuye bu veye ubwoni.

1 Petro 2:4

Mwa tsia kuye, ligina li veye mwoyo, lya vandu vambakana ligali, navutswa lya Nyasaye a tovoye, lyobukumi,

2 Petro 1:10

Kigira yaga, avamitu, mu kole ubugulu kuvita mu duke kukola lilangwa lyenyu nelitovolwa lyenyu li ve netsingulu ligali: kigira ni mu kola yaga mu la vula kwikigitala hosi:

1 Yohana 2:29

Ni mu manya a veye mulungi, mu manya kandi ku vosi u kolanga ubulungi yivulwa kutwula kuye.

1 Yohana 3:7

Avana vakekeke vange, mu ta leka mundu kali mulala a mu gotidze: uyu u kola ubulungi a veye mulungi, kuli mwene a veye mulungi:

Likunula 22:14

Va veye nobugasu avogidzanga tsingubo tsyavo, va duke kuva netsingulu kuduka ku musala gwelivamwoyo, nokwingira mu viribwa kuduka mu lidala.