Luka 6:30 - KITABU KITAKATIFU

³⁰ U he vosi ava ku saala; kandi u ku nyaga vindu vivyo, u ta mu teva kandi mba.

Luka 6:30 ပူးပေါင်းရင်းမြစ်များ

Zaburi 112:9

A sugeridzi, na a haani ku avadaka; Ubulungi bwibwe bu hindiranga mihiga nemihiga: Ulwiga lwilwe lu la nenehidzwa nobukumi.

Zaburi 41:1

A veye nobugasu uyu widzuli tsanga avadaka: Yahova a la mu honnya mu lidiku lyekivi.

Tsing'ano 19:17

Uyu u verereranga avadaka a hambidza Yahova kivete, Na likola lilye lilahi a la mu tunga kandi.

Tsing'ano 21:26

A veye ho mwimani u kayirangwa mbasu bei; Navutswa mulungi a haananga na a vula kwimana.

Tsing'ano 22:9

Uyu u veye nemoni yobuhaani a la gasidzwa; Kigira a haaniranga avadaka ubukima bwibwe

Kohelethu 11:2

U he ava ndu vatano na vaviri vidieli vyavo, yee, kali vatano na vavaka; kigira si u manya ni budamano ki ubu la va ku kivala;

Kohelethu 8:16

Lwa nda vika mwoyo gwange kumanya ubugeeri, nokulola amaliduhu ga kolangwa ku lirova, (kigira a veye ho u ta lolanga tsindolo ku tsimoni tsitsye ubudiku kinga mbasu),

Matayo 18:35

Dada wange womigulu a la mu kolera ndiyo, ni mu ta sameha avamwavo mu myoyo gyenyu.

Matayo 5:39

navutswa inze mmu volera, Mu ta hangalidzana nomudamano: navu tswa ku vosi u ku duya ku lusaya lwomukono mulungi u mgirunkanyire lundi.

Matayo 6:12

U ku samehe magovi getu, kuli kwinye ku sameha avamagovi getu.

Luka 11:41

Navutswa mu twulidze isadaka ku vyomugati; kandi henza, vindu vyosi vi veye vilahi ku mwinye.

Luka 12:33

Mu gulidze vya mu veye navyo, mu tunge tsisadaka; mwelombere avene tsimuya tsi ta kunguha, akiba yomigulu i ta hendeka, homwivi a tisunda himbi, kandi hetsisere tsi tononnya.

Luka 18:22

Yesu lwa ya hulira yaga, ya mu volera, U daki kindu kilala kalunu: gula vyosi vya u veye navyo, u he avadaka, na ive u la va nekiba migulu: hamba, u nonde.

Luka 6:29

U ku duya ku lusaya lulala, u mu girunkanyire lundi; kandi u ku nyaga ijoho yoyo u leke a hile kandi likoti lilyo.

Luka 6:31

Kuli mwinye mwe nya avandu va mu kolere, kandi mu va kolere ndiyo.

Luka 6:38

Mu haane na mwinye mu la hebwa; kigero kilahi kigatirangwa kandi ki sung'usangwa vi duka kusalika, ndiyo va la mu ha mu viritu vyenyu. Kigira ligera lya mu gera, lilyo lya mu li gererwa.

Vikolwa 20:35

Inze mmali kumugerera ku vindu vyosi, nu bulahi mu didikane ndi mu konye avadekerana, nokwidzulitsa amakuva go Mwami Yesu kuli ya vola, Lihaana li veye nobugasu kuvita livugula.

2 Vakorintho 8:9

Kigira mu manya tsimbabasi tsyo Mwami wetu Yesu Kristo, kali ya li mutugi ya gwa mudaka kigira mwinye mwinye mu duke kuva avatugi kigira ubudaka bwibwe.

Vafeso 4:28

Uyu wiba a tiba kandi: navutswa nubulahi a didikane, a yinzire namakono gege, a kole kindu ki veye kilahi, a duke kuva nekindu kyokuha uyu u veye nobudaka.