Luka 6:28 - KITABU KITAKATIFU

²⁸ mu saavire ubugasu ava mu nyega, kandi mu saalire ava mu kolera ubudamano.

Luka 6:28 ပူးပေါင်းရင်းမြစ်များ

1 Avami 13:6

Na mwami ya tivula na a volera mundu wa Nyasaye, Kalunu u goonye Yahova Nyasaye wowo, u saalire inze, nduke kwiranyirwa mukono gwange kandi. Na mundu wa Nyasaye ya goonya Yahova, na mukono gwomwami gwi ranywa kandi, ni gu va kuli gwa li ku matsyambiri.

Ezekieli 25:15

Mwami Nyasaye a vola ndi: Kigira Vafilisiti va kola kwevanzira kisalya, na va mali kwevanzira kisalya nelilega lyemyoyo gyavo, kudividza nobusigu bwa madiku gosi;

Ezekieli 36:5

kigira yaga Mwami Nyasaye a vola ndi: Ligali mmali kuvola ku litigala lyetsihiri mu muliru gwelikendeka lyange, noku Edom, tsihiri tsyevuguliye tsyene kivala kyange va ve nakyo kuva miyandu gyavo ku buyanzi bwemyoyo gyavo gyosi, nomwoyo gwokulega, kukita kyova ki ve kilanye.

Matayo 5:44

navutswa inze mmu volera, Mu yanze avasigu venyu, kandi mu saavire ava mu dambidza,

Luka 23:34

Kandi Yesu ya vola Dada u va samehe, kigira si va manya ga va kola. Va gavana tsingubo tsitsye ni va kola ikura.

Luka 6:27

Navutswa mmu volera, mwinye avahulira, Mu yanze avasigu venyu, mu kolere bulahi ava mu dunyira,

Luka 6:35

Navutswa mu yanze avasigu venyu, mu kole bulahi, mu hambidzane kivete mu ta suuvira mu liranyirwa; na madanyi genyu ga la va manene, kandi mu la va avana va Uveye Igulu Ligali: kigira a veye mulahi ku ava ta santidza navadamano.

Vikolwa 14:5

Tshihri na Vayuda halala navanene vavo, lwa va va twulira kuvakola ubudamano, nokuvalasa magina,

Vikolwa 7:60

Kandi ya sigama na a hanzuka na a vola, Mwami, u ta vika kuvo ubwoni yibu. Kandi lwa ya mala kuvola yaga, ya gona.

Varumi 12:14

Mu gasidze ava mu kupidza kivi; mu gasidze, mu ta laama mba.

1 Vakorintho 4:12

kandi ku nyankana, ku kolanga miyinzi namakono getu avene. Kwinye ni ku nyegwa ku gasidzanga; ni ku dambidzwa kwikudziranga;

Yakobo 3:10

ligasidza nelilaama li twula ku munwa mulala. Avamitu, si bu li bulahi vindu yivi vi ve ndiyo.

1 Petro 3:9

ava ta tungana ubudamano ku budamano, kinga manyego ku manyego; navutswa lyavukana na yago mu gasidzane; kigira mwa langirwa yaga, mu duke kulia miyandu gyobugasu.