Luka 6:25 - KITABU KITAKATIFU

²⁵ Mu la lola ubudamano mwinye, avahinda kalunu kigira mu la va nenzala. Mu la lola ubudamano, mwinye avaseka kalunu kigira mu la verera nokulira.

Luka 6:25 ပူးပေါင်းရင်းမြစ်များ

Zaburi 49:19

A la tsia ha makula ga vaguga veve; Va la vula kulola ubulavu mihiga gyosi.

Tsing'ano 14:13

Kali mu liseka mwoyo gu veye nelivererera; Na kiheri ku busangali ki veye ubuliduhu.

Tsing'ano 30:9

Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Kohelethu 2:2

Mmakuva geliseka nda vola, Ga veye bulalu; nomu makuva gobusangali nda vola, Ga kola ki?

Kohelethu 7:3

Livererera ne lilahi kuvita liseka: kigira mwoyo gu sangalitsangwa neli vererera lyommoni.

Kohelethu 7:6

Kigira kuli liva lyomwoyo gwa mafwa ga twulikanga isi wenyingu, ni ndiyo liseka lyomu siru li veye: yaga kandi na ga vutswa.

Isaya 28:7

Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Isaya 65:13

Kunangwa Mwami Nyasaye ya vola yaga, Henza, avatumekiri vange va la lia, navutswa mwinye mu la va nenzala; henza, avatumekiri vange va la nwa, navutswa mwinye mu la va nobuluhu; henza, avatumekiri vange va la sangala, navutswa mwinye mu la va isoni,

Isaya 8:21

Va la vita hagati havyo, ni va tameywi, ni va veye nenzala, kandi ga la va, lwa va la va nenzala, va la vihirirwa, na va laama ku mwami wavo noku Nyasaye wavo, nokuginga tsimoni tsyavo ku henza igulu:

Isaya 9:20

Na mulala a la nuula ku luvega lwomukono mulungi, na a la va nenzala; a la lia ku luvega lwomukono mmosi, na a la vula kwiguta: mundu sa mulala a la lia inyama yomukono gwigwe mwene:

Amosi 8:10

Na nda girunkannya madiku manene genyu ga ve lisyoma; na tsinyimbu tsyenyu tsyosi tsi la va lilira; na nda vika tsingubo tsyamagunia mu vikenge vyosi, na kyavusu ku mitwe gyosi: na nda ga kola ga ve kuli lisyomera umwana muyai muderwa, na kiheri ki ve kuli lidiku lilulu.

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.

Luka 12:20

Navutswa Nyasaye ya mu volera, Ive wobusiru, ubudiku yibu nu bwoku twulidza liva mwoyo lilyo; kandi vindu vya wa lomba vi la va vya bwaha?

Luka 13:28

Li la va lilira nokudyedyeidza amino, lwa mu li lola Abrahamu, na Isaka, na Yakobo, navaprofeti vosi mu bwami bwa Nyasaye, na mwinye avene mu tebeywi kyova.

Luka 6:24

Navutswa mu la lola ubudamano, mwinye avatugi kigira mu mali kunyola lihodzeridza lyenyu.

Luka 6:26

Mu la lola ubudamano mwinye, avandu vosi lwa va mu laha bulahi kigira avaguga vavo va kola ndiyo ku vaprofeti vobubehi.

Luka 8:53

Kandi va mu seka ni va mu kolera kihenyahenye, va manya u kudzi.

Vafeso 5:4

kandi kifwabwi, kinga kuvola vya vutswa, kinga kukupa tsimbaka tsindamano, vi ta li vilahi: navutswa nubulahi kusantidza.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

Yakobo 4:9

Mu kupe kivi, mu verere, mu lire: liseka lyenyu li Kirunkanywe kuva liverera, lisangala lyenyu li ve liverera.

Likunula 3:17

Kigira u vola, Inze mbeye mutugi, kandi nyoye ubutugi, kandi si mbeye nelyenya kindu; kandi si u manya u veye mudambi, kandi u veye muyingu nomudaka nomuboku nomwere:

1 Samweli 2:5

Yavo ava li aviguuti, va lagani avene va nyole vyokulia; Na yavo ava li nenzala va sosi: Yee, uyu wa li mugumba wivuye avana vatano na vaviri; Na uyu wa li navana vanyingi u gehidzeywi tsingulu tsitsye.