Luka 6:21 - KITABU KITAKATIFU

²¹ Mu veye nobugasu mwinye ava veye nenzala kalunu: kigira mu liguta. Mu veye nobugasu ava liranga kalunu; kigira mu la seka.

Luka 6:21 ပူးပေါင်းရင်းမြစ်များ

Litanga 17:17

Hene yaho Abrahamu ya gwa mammama, na a seka, na a vola mmwoyo gwigwe, mwana a nyala kwivulirwa uyu wemihiga mia? Ka kandi Sara a veye wemihiga makumi gatano na gane a nyala kwivula?

Litanga 21:6

Na Sara ya vola, Nyasaye u mbeye liseka; na ku vosi u hulira a la seka halala ninze.

Zaburi 107:9

Kigira yigutidza mwoyo gu veye nelyenya, Na umwoyo gu veye nenzala a gwizulitsa ubulahi.

Zaburi 119:136

Migera gyamadzi gyi gangulukanga mu tsimoni tsyange, Kigira va vula kubugirira itorati yoyo.

Zaburi 143:6

Nyira makono gange ku ive: Mwoyo gwange gu veye na maholu ku ive kuli kivala kyumu. Selaha

Zaburi 17:15

Na inze, nda lola mumoni mumwo mu bulungi; Ndiguta neligondo lilyo, lwa mbuka mu lifwanana lilyo.

Zaburi 28:7

Yahova a veye tsingulu tsyange na ingavo yange; Mwoyo gwange gu mu suuviye, na mbonywa: Kunangwa mwoyo gwange gu sangala ligali; Ninze nda mwidzominya nolwimbu lwange.

Zaburi 65:4

A veye nobugasu uyu wa u tovola, nokumuleta himbi ku ive A duke kumenya hango hoho: Ku liguta ubulahi bwenyumba yoyo, Litempeli lilyo litakatifu.

Isaya 25:6

Kandi mu kigulu yiki Yahova wa mahe a la lombera avandu vosi lilia lyevinolu, lilia lyewaini halala na maseke gayo, lilia lyevinolu vizula buhali, lilia lyewaini ku maseke ya lombwa bulahi,

Isaya 30:19

Kigira avandu va la menya mu Zioni ha Yerusalemi; si u la lira kandi mba; ligali a la ku vererera ku mwoyo gwelilira lilyo; lwa a li hulira, a la ku tivulira.

Isaya 66:10

Mu sangala halala na Yerusalemi, muyanzi kulyo, mwinye vosi va mu yanza: mu sangale nobuyanzi halala nalyo, mwosi ava syomanga kulyo;

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 31:25

Kigira mmali kwigutidza mwoyo gwa li ni gu luhi, nemyoyo sa mulala ugwa li ni gu vereranga mmali kugwirannya kuva umuhya.

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Ezekieli 7:16

Navutswa ku yavo ava li hona va la hona, na va la va mu vigulu kuli makuulu go mmavona, vosi va la va ni va liranga, sa mulala ku budamano bwibwe.

Ezekieli 9:4

Yahova ya mu volera, Vita hagati helidala, hagati ha Yerusalemi, nokuvika kilolero mu bweni bwavandu va kenyanga nokulira kigira kivihiri kyosi ki kolangwa hagati halyo.

Matayo 5:4

Va veye nobugasu ava veye neliverera: kigira va la leminnywa mmyoyo.

Matayo 5:6

Va veye nobugasu ava veye nenzala nobuluhu bwobulungi: kigira va ligutidzwa.

Luka 1:53

Wigutidzi avenzala nivindu vilahi; Avatugi u va kungi bugira kindu.

Luka 6:20

Ya henza avegidzwi veve, na a vola, Mu veye nobugasu, mwinye avadaka: kigira ubwami bwa Nyasaye nu bwenyu.

Luka 6:22

Mu veye nobugasu, mwinye, avandu lwa va li mu dunyira, kandi lwa va li mwesigana, nokumunyega, nokuta lieta lyenyu kuli li veye lidamano, kigira Mwana wa Adamu.

Luka 6:25

Mu la lola ubudamano mwinye, avahinda kalunu kigira mu la va nenzala. Mu la lola ubudamano, mwinye avaseka kalunu kigira mu la verera nokulira.

Yohana 11:35

Yesu ya twula maliga.

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 6:35

Yesu ya va vo lera, Inze nibwo ubukima bweliva mwoyo: uyu udza ku inze si a li lola inzala mba, kandi u suuvira inze si a li lola ubuluhu mihiga nemihiga.

1 Vakorintho 4:11

Kali kuduka inyinga yiyi ku veye nenzala, nobuluhu, kandi ku veye kyahonyo, kandi ku kuyangwa tsinzasaya, kandi si ku veye na hokumenya;

2 Vakorintho 11:27

mu miyinzi nomu busaliri, mu lihenzerera hali kanyingi, mu inzala nomu buluhu, mu lihonga lilia hali kanyingi, mu bukindu nomu kyahonyo.

2 Vakorintho 12:10

Kunangwa nyanzi mu budedekere, mu busaliri, mu budaka, mu lidambidzwa, mu kivi, kigira Kristo: kigira inyinga mbeye mudedekere, nilwo lwa mbeye ne tsingulu.

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

Likunula 21:3

Kandi nda hulira mwoyo munene gu twula mu intebe, ni gu vola, Henza, ubumenyo bwa Nyasaye bu veye halala navandu, kandi a la menya navo, navo va la va avandu veve, kandi Nyasaye mwene a la va halala navo, Nyasaye wavo:

Likunula 7:16

Va la vula kulola inzala kandi, kandi si va la va nobuluhu kandi; kandi liuva li la vula kuvasamba, kali uluya lwosi: