Luka 6:17 - KITABU KITAKATIFU

¹⁷ Ya sulunguta navo, na a singira mu kiguti, nekiduma kinene kyavegidzwi veve, navandu vanyingi va twula Buyuda bwosi ne Yerusalemi nomu kivala kya Turo na Sidon ku luginga lwenyanza, vadza kumuhulira nokuhonnywa tsinkudzo tsyavo;

Luka 6:17 ပူးပေါင်းရင်းမြစ်များ

Zaburi 103:3

U samehanga ubukyamu bubwo bwosi; U honnyanga ubulwaye bubwo bwosi;

Matayo 11:21

O bayaye, ive Korazin O bayaye, ive Betsaida kigira miyinzi gyetsingulu gya kolwa mu mwinye, gyi va gya kolwa mu Turo nomu Sidone, nkano veganira kale ni vivika magunia ni vikala mu ligoke.

Matayo 12:15

Yesu, lwa ya manya ndiyo, ya twula yo. Na vanyingi va mu londa; na a va honnya vosi,

Matayo 14:14

Ya twula mbwato na a lola kiduma kinene, na a va vera tsimbabasi, na a va honnyira avalwaye vavo.

Matayo 15:21

Yesu ya twula na a tsia mu kivala kya Turo na Sidone.

Matayo 5:1

Lwa ya lola viduma, yanegira mkigulu: lwa ya mala kwikala, avegidzwi veve vadza kuye:

Luka 5:15

Navutswa amakuva gege ga kira kulanda; na viduma vinyingi vya vugana kumu hulira nokuhonnywa tsinkudzo tsyavo.

Luka 6:12

Mu madiku yago ya twula na a tsia mu kigulu kusaala; ya hongera kusaala Nyasaye ubudiku bwosi.

Luka 6:16

na Yuda wa Yakobo, na Yuda Iskarioti, wa gwa muzami.

Luka 6:18

navo va nyangidzwa na roho midamano va honnywa.