Luka 6:12 - KITABU KITAKATIFU

¹² Mu madiku yago ya twula na a tsia mu kigulu kusaala; ya hongera kusaala Nyasaye ubudiku bwosi.

Luka 6:12 ပူးပေါင်းရင်းမြစ်များ

Zaburi 22:2

O Nyasaye wange, nzanira ive mmbasu, navutswa si u ntivulira; Kandi mbudiku si nkiring'ana mba.

Isaya 26:9

Nkayirangwa ive nomwoyo gwange inyinga yobudiku; yee, nda kwenya mabwebwe na roho gwange gu veye mu inze; kigira likalaga lilyo lwa li veye mu lirova, avamenyanga mu lirova veganga ubulungi.

Danyeli 6:10

Na lwa Danyeli ya manya mang'oda ga vikeywi lieta, ya tsia mu inyumba yeye (nu u manyi madirisha gege ga li malamu mu inyumba yeye kuhenza ku luvega lwa Yerusalemi); naye y a sigama hali kavaka ku lidiku, na a saala, na a santidza imbiri wa Nyasaye wewe, kuli wa ya kolanga ku matsyambiri.

Matayo 5:1

Lwa ya lola viduma, yanegira mkigulu: lwa ya mala kwikala, avegidzwi veve vadza kuye:

Matayo 6:6

Navutswa ive, nu wenya kusaala, wingire munyumba yoyo, nu u mali kuhana kiliango, u saale Dada wowo u vula kulolwa, na Dada wowo a lola mbuvisi a la ku ha madanyi.

Marko 1:35

Mugamba ya vuka na a twula mabwebwe ligali, na a tsia ha vandu a va ta li, na a saalira ho.

Marko 3:13

Na a tsia mkigulu na a langa vosi va ya li ni yenya; vadze kuye.

Marko 6:46

Lwa ya mala kusivulana navo, mwene ya tsia mu kigulu kusaala.

Luka 5:16

Navutswa mwene yiyahula na a tsia mwigendanyama, na a saala.

Luka 6:11

Navutswa vizula ubutima; ni va volerana avene aga va nyala kukola ku Yesu.

Luka 6:17

Ya sulunguta navo, na a singira mu kiguti, nekiduma kinene kyavegidzwi veve, navandu vanyingi va twula Buyuda bwosi ne Yerusalemi nomu kivala kya Turo na Sidon ku luginga lwenyanza, vadza kumuhulira nokuhonnywa tsinkudzo tsyavo;

Luka 9:18

Lwa ya saala yeng'ine, navegidzwi halala naye; ya va teva, na a vola, Viduma vi vola inze mbeve ibwaha?

Luka 9:28

Inyima ya makuva yaga ga duka kuli madiku gatanu na gavaka, ya hila Petro na Yohana na Yakobo, ni yanegira mu kigulu kusaala.

Luka 9:29

Lwa ya saala, ligondo lyomumoni lya galula, netsingubo tsitsye tsya gwa tsindavu ni tsi ng'ereng'ana.

Yohana 6:3

Kandi Yesu yanegira mu kigulu, ni yikala mu, halala navegidzwi veve.

Vakolosai 4:2

Mu menye ligali mu lisaala mu hongere mulyo nomu lisantidza,

Vahebraina 5:7

Uyu mu madiku gege gomubiri lwa ya twulidzira uyu u nyalanga kumuhonnya mu likudza, lisaala nelihomba halala nelilira lyetsingulu namaliga, ya hulirwa kigira ubutii bwibwe bwa ya tia Nyasaye,

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.