Luka 5:32 - KITABU KITAKATIFU

³² Si nzidza kulanga avalungi navutswa avoni va duke kweganira.

Luka 5:32 ပူးပေါင်းရင်းမြစ်များ

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Matayo 18:10

Mu henze mu ta lega mulala ku vakekeke yava: kigira mmu volera, mwigulu tsingelosi vavo va hongera kulola mtsimoni tsya Dada wange u veye migulu.

Matayo 9:13

Navutswa mu tsie mweyegidze amakuva yaga; Nyenya tsimbabasi, si nyenya visyuviriru; kigira si ndadza kulanga avalungi navutswa kulanga avoni.

Marko 15:10

Kigira ya lola avasalisi vanene va mu leti nembodoka bwavo.

Marko 15:7

Ya li ho mulala wa langwa Baraba, wa bofwa halala na vandi ava kola bwebaali, na aviita avandu mu bwebaali bwavo.

Marko 2:17

Yesu lwa ya ga hulira, ya va volera, Avalamu si venya mwahi wetsinyasi, navutswa avalwaye veng'ine: si ndadza kulanga avalungi, navutswa avoni.

Luka 15:10

Kandi ndiyo mmu volera, Bu veye ho ubuyanzi imbiri wetsingelosi va Nyasaye kigira mwoni mulala weganira.

Luka 15:7

Mmu volera, Bu la ka ve ubuyanzi ndiyo migulu, kigira mundu mulala mwoni weganira, kuvita bwa vandu avalungi amakumi gatanu na gane navandu vatanu na vane ava ta li nobudaka bwelyeganira.

Luka 19:10

Kigira Mwana wa Adamu yadza kwenya nokuhonnya kya gota.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Luka 5:31

Yesu ya tivula na a va volera, Avalamu si venya wetsinyasi; navutswa avalwaye.

Luka 5:33

Navo va mu volera, Avegidzwi va Yohana va honga lilia hali kanyingi, ni va saala; kandi ndiyo avegidzwi va Vafarisayo; navutswa avovo va litsa kandi va nwedza.

Vikolwa 17:30

Tsinyinga tsyobusiru Nyasaye si ya tsi henza; navutswa kalunu u mali kulaga avandu vosi, hosi ha va veye, veganire:

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

Vikolwa 3:26

Ku mwinye Nyasaye ya tanga kusingeridza Mutumekiri wewe na a mu tuma kumuha ubugasu, kuhunzula mwinye vosi mu twule mu budamano bwenyu.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

2 Petro 3:9

Mwami si ya lindagira mu lisuuviridza lilye, kuli avandi va vola lilindagira; navutswa yikudzira ku mwinye, kigira si yenya mundu mulala a dive, navutswa yenya vosi va duke ku lyeganira.