Luka 5:24 - KITABU KITAKATIFU

²⁴ Navutswa mu duke kumanya Mwana wa Adamu a veye netsingulu mu lirova kusameha ubwoni (ya volera wa fwogoya), Nku volera, Singira, u vugule kitali kikyo, u tsie yengo wowo.

Luka 5:24 ပူးပေါင်းရင်းမြစ်များ

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Danyeli 7:13

Nda lola mu malola gobudiku, na henza, mulala yadza halala na malesi gomigulu, ya li kuli mwana womundu, na ya duka kali ku Muhindira wa madiku, ni va mu dukidza himba imbiri wewe.

Matayo 16:13

Yesu lwa yadza mu tsimbega tsya Kaisaria Filipi, ya teva avegidzwi veve na a vola, Avandu va vola Mwana wa Adamu a veye ibwaha?

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Matayo 26:64

Yesu ya mu volera, Ive u voye: navutswa mmu volera, Inyinga yidzanga mu la lola Mwana wa Adamu yikaye ku mkono mulungi gwo Wetsingulu, ni yadza kumalesi gomigulu.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Matayo 4:24

Amakuva gege ga landa mu Siria yosi: ni va mletera avalwaye vosi, ava li netsinkudzo lugano lugano, nobusaliri, navo ava li na mademone, na va li nendulume, navaleema; naye ya va honnya.

Matayo 9:6

Navutswa mu duke kumanya Mwana wa Adamu a veye netsingulu mu lirova kusameha ubwoni (hene yaho ya volera wa fwogoya), Singira, u vugule kitali kikyo u tsie yengo wowo.

Luka 5:13

Ya nyira mukono gwi gwe, na a mu dira, na a vola, Nyanza, u takaswe. Nonoho ubugere bwibwe bwa mu leka.

Luka 5:18

Henza, avandu va gingira mundu wa fwogoya ku kitali, ni venya kumwingiridza nokumuvika imbiri wewe.

Luka 5:23

Li veye liangu ni li ha, kuvola, Bwoni bubwo bu sameheywi; naho kuvola, Singira u gende?

Luka 7:14

Yisunda himbi na a dira ku ludigi: navo ava lu ginga va singira. Naye ya mu volera, Muyai, nku volera, Vuka.

Luka 8:54

Navutswa ya mu gumira mukono, na a langa, na a vola, Mukana, vuka.

Yohana 11:43

Kandi lwa ya mala kuvola ndi, ya langa nomwoyo munene, Lazaro, u twule.

Yohana 17:2

kuli ive wa mu ha tsingulu ku inyama yemibiri gyosi, vosi va wa mu ha a va he livamwoyo li ta hera mba.

Yohana 3:13

Kandi si ha li nomundu wa tsia migulu, navutswa uyu wika ku twula migulu, niye Mwana wa Adamu, a veye migulu.

Yohana 5:27

kandi ya mu ha tsingulu kukola likalaga, kigira a veye Mwana wa Adamu.

Vikolwa 14:10

ya vola nomwoyo mu nene, Singira bulungi ku virenge vivyo. Naye ya lungika na a genda.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Vikolwa 9:34

Kandi Petro ya mu volera, Ainea, Yesu Kristo a ku honnya: vuka, wale kitali kikyo. Kandi va vuka nonoho.

Vikolwa 9:40

Navutswa Petro ya va hila kyova vosi, na a sigama na a saala; ma ya girunkanira mubiri, na a vola, Tabitha, vuka. Naye ya kunula tsimoni; kandi lwa ya lola Petro, yikala.

Likunula 1:13

na hagati hevinara vyetsitaya, nda lola mulala u fwana mwana wa Adamu, yiviki ingubo ya duka ku induvatiru, nokweboha ulukova lwethahabu mu kiritu.