Luka 5:12 - KITABU KITAKATIFU

¹² Lwa ya li mu lidala lilala, henza, mundu wekisatsa wizula ubugere: lwa ya lola Yesu, ya gwa mammama, na a mu saala, na a vola, Mwami, nu u yanza u nyala kuntakasa. Mwami, nu u yanza u nyala kuntakasa.

Luka 5:12 ပူးပေါင်းရင်းမြစ်များ

Litanga 18:14

Ha veye nekindu ku vyosi ki nyala kutama Yahova? Ku inyinga ya lagwa ndirana ku ive, lwa tsinyinga tsi duka, na Sara a la nyola mwana muyai.

1 Avami 18:39

Na vandu yavo vosi lwa va lola yago, va gwa mammama: ni va vola, Yahova a veye Nyasaye; Yahova a veye Nyasaye.

2 Avami 5:1

Kunangwa Naaman, munene welihe lyomwami wa Siria, ya li mundu munene imbiri womunene wewe, nokwidzominywa, kigira Yahova ya li na a mali kuha Vasiria liguuta nomukono gwa uyu: kandi ya li mundu welihe wetsingulu, navutswa ya li wobugere.

2 Avami 5:27

Kunangwa ubugere bwa Naaman bu la ku hamba ive, nekisikululwi kikyo mihiga nemihiga. Ya twula imbiri wewe na a gwiye wobugere mulavu kuli likonza.

2 Avami 7:3

Va li ho avandu vane avobugere ha bwingiriru bwekiribwa: va volerana avene navene, kigira ki kwikala hano kuluhe kukudze?

1 Kyetsinyinga 21:16

Daudi ya ginga tsimoni tsitsye, na a lola ingelosi wa Yahova na a singiye hagati helirova neligulu, na ya li nekivavi kisomole mmukono gwigwe gwa sonwa Yerusalemi. Hene yaho Daudi navakulundu, va li ni veviki tsingubo tsyamagunia, va gwa has; mammama.

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Kutwula 4:6

Na Yahova ya mu volera kandi, U vike mukono gugwo mu ingubo yomkiritu kikyo. Na ya vika mukono gwagwe mu kiritu: na lwa ya gu twulidza, henza, mukono gwigwe gwa li nobugere, mulavu kuli likonza.

Kyavalevi 13:16

Kinga inyama imbisi ni i girunkana kandi kuva indavu hene yaho a la tsia ku musalisi;

Kyavalevi 9:24

Na muliru gwa twuia imbiri wa Yahova, ni gu samba kihaanwa kyokusambwa ku bwali, na vivana: na lwa avandu vosi va gu lola, va kupa lwanga, na va gwa mammama.

Matayo 26:6

Yesu lwa ya li mu Betani mu inyumbaya Simoni mugere,

Matayo 9:28

Lwa ya mala kwingira mu inyumba avaboku vadza kuye: na Yesu ya va volera, Mu suuvira inze nyala kukola yiki? Va mbolera, Yee, Mwami.

Marko 5:23

na a mu goonya munonono, na a vola, Mkana wange mkekeke a lenya kukudza: nku goonya, udze u vike kuye makono gogo, a honnywe, a ve mwoyo.

Luka 17:16

yadza na a gwa mammama ha virenge vivye, na a mu santidza: kandi ya li Musamaria.

Luka 5:13

Ya nyira mukono gwi gwe, na a mu dira, na a vola, Nyanza, u takaswe. Nonoho ubugere bwibwe bwa mu leka.

Kwidzulitsa 24:8

U henzi mu liduya lyobugere, u linde netsingulu, u kole kuli gosidza ga avasalisi Valevi va mwegidza: kuli nda va laga, mu linde mu kole ndiyo.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Joshua 5:14

Ya vola, Auwa; navutswa nduki kalunu kuva munene welihe lya Yahova. Ma Joshua ya gwa hasi mammama, na ya mu sigamira, na a mu teva, Mwami wange a volera ki inze mutumekiri wewe?