Luka 4:6 - KITABU KITAKATIFU

⁶ Setani ya mu volera, Nda ku ha tsingulu yitsi tsyosi nobukumi bwabwo: kigira nda hebwa yibu; kandi wa nyanza mmu hedzanga.

Luka 4:6 ပူးပေါင်းရင်းမြစ်များ

Esther 5:11

Na Haman ya va volera ubukumi bwobutugi bwibwe, nobunyingi bwa avana veve na makuva gevindu vyosi vyomwami ya mu nenehidza kuvyo, kandi kuli mwami ya mu ha ubunene kuvita avanene na vatumekiri vomwami.

Isaya 23:9

Yahova wa mahe ya saavira, kwononnya luyai lwobukumi bwosi, nokulegannya avandu vobukumi mu lirova lyosi.

Isaya 5:14

Kigira yaga Kihadisi ki galaminye ligali likayirwa lyakyo, nokwalaminya munwa gwakyo kuvita kigero; nobukumi bwavo, nobunyingi bwavo, noluyai lwavo, na uyu u sangalanga hagati havo, viyongoveranga mu.

Luka 4:7

Nu u sigamira imbiri wange, vyosi vi la va vivyo.

Yohana 12:31

Kalunu ni likalaga lyavomkivala yiki: kalunu munene wekivala yiki a la tebwa.

Yohana 14:30

Si nda mu volera manyingi kandi, kigira munene wavomkivala yadza: kandi si a veye nekindu mu inze;

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

2 Vakorintho 11:14

Kandi si li veye ligenya; kigira kali Setani mwene yegirunkanya a fwane ingelosi wobulavu.

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

1 Petro 1:24

Kigira, Mibiri gyosi gyi veye kuli ubunyasi, Kandi ubukumi bwagyo bu veye kuli kimuli kyobunyasi. Ubunyasi bwumanga, nekimuli kyabwo ki vunguluka:

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:2

Kandi inyama zana ya nda lola ya fwanana ne ingo, nevirenge vyayo vya li kuli vyeduba, kandi munwa gwayo gwa li kuli munwa gweking'ang'a: kandi guyoka gwa gi ha tsingulu tsyayo, nentebe yayo, nelihaana munwa linene.

Likunula 13:7

Kandi ya hebwa kulwana navatakatifu, nokuvaguuta: kandi ya hebwa mu nwa ku tsimpya tsyosi, noku vandu vosi, noku tsinimi tsyosi, noku tsihiri tsyosi.