Luka 4:25 - KITABU KITAKATIFU

²⁵ Navutswa ageligali mmu volera, Va li ho avakunzakali avanyingi mu Israeli mu madiku ga Elija, inyinga ligulu lya bofwa imihiga gyivaka nemyeli gyitanu na mulala, nenzala inene ya duka mu kivala kyosi;

Luka 4:25 ပူးပေါင်းရင်းမြစ်များ

1 Avami 17:1

Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.

Isaya 55:8

Kigira tsiganagani tsyange si tsi veye tsiganagani tsyenyu, na tsinzira tsyenyu si tsi veye tsinzira tsyange mba, Yahova a vola.

Matayo 20:15

Si bu li bulahi inze nkole kuli wa nyanza ku vindu vyange? Naho imoni yoyo i veye indamano kigira inze mbeye mulahi.

Luka 10:21

Inyinga zana ya yanza ligala mu Roho Mutakatifu, na a vola, Nkwidzominya ligali, Dada, Mwami weligulu nelirova, kigira wa visa ivindu yivi ku vageeri navahuliri, navutswa u vuuliye avana vadoto: yee, Dada; kigira u yanza ndiyo.

Varumi 9:15

Kigira ya volera Musa, Nda vererera uyu wa nda vererera, kandi nda kolera uyu tsimbabasi wa nda kolera tsimbabasi.

Varumi 9:20

Ga ta va ndiyo, navutswa, ive mundu, u veye ibwaha u tivulira Nyasaye? Kindu kya lombwa ki nyala kuvolera uyu wa ki lomba, Kigira ki wa nomba ndi?

Vafeso 1:11

Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

Vafeso 1:9

Na a ku mannya agaviswa gobulaliri bwibwe, kuli liyanza lilye lilahi lya ya saavira muye,

Yakobo 5:17

Elija ya li umundu weliva lilala nekwinye, kandi ya saala nelisaala imbula i ta kupa; nembula ya vula kukupa ku lirova inyinga ya duka mihiga gyivaka nemyeli gyitano na mulala.

Likunula 11:6

Yava va veye netsingulu tsyokuboha ligulu, imbula i vule kukupa mu madiku gobuprofeti bwavo: kandi va veye netsingulu ku madzi kugagirunkannya ga gwe masahi, nokuduya lirova neliduya lyosi tsinyinga tsyosi tsya va yanza.