Luka 4:18 - KITABU KITAKATIFU

¹⁸ Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Luka 4:18 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

2 Kyetsinyinga 34:27

kigira mwoyo gugwo gwa ii mudoto, wegehidza imbiri wa Nya saye, lwa wa hulira makuva gege ku hano, noku yavo ava menyanga ho, na wegehidzi imbiri wange, na u tanduye tsingubo tsitsyo, nokulira imbiri wange; Yahova a vola, Inze nku huliye.

Zaburi 102:20

Kuhulira likenya lyomuhambe; Nokuboholola yavo ava ng'oderwa likudza;

Zaburi 147:3

A honnyanga avemyoyo gya vunika, Na a boha tsing'oma tsyavo.

Zaburi 2:2

Avami velirova va tsuvana avene, Na avamehi va volerana avene na avene Kwambakana Yahova, no mbake wewe, va vola

Zaburi 2:6

Navutswa mbiki mwami wange ku Zioni Kigulu kyange kitakatifu.

Zaburi 34:18

Yahova a veye himbi kuvo ava vuniki mwoyo, Na a honnyanga yavo ava miniki roho

Zaburi 45:7

Ive u yanzi ubulungi, nokudunyira ubudamano: Kigira yaga, Nyasaye, Nyasaye wowo, u ku vaki Maguta gobuyanzi kuvita avakye vovo.

Zaburi 51:17

Vihaanwa vya Nyasaye vi veye roho gu vuniki: Mwoyo gu vuniki na gu miniki O Nyasaye, si u li gu lega mba.

Isaya 32:3

Na tsimoni tsya yavo ava lolanga si tsi la tsengera, na amatu ga yavo ava huliranga, ga la huliridza.

Isaya 35:5

Hene yaho tsimoni tsya vaboku tsi la kunulwa, namatu ga vahana amatu ga ligulwa.

Isaya 42:7

kukunula tsimoni tsi ta lolanga, kuvatwulidza mbuhambe avabofwa, na ava menyanga mu kisundi kuvatwulidza mu inyumba yavahambe.

Isaya 45:13

Mmu singeridzi mbulungi, na nda lungekidza tsinzira tsitsye tsyosi: a lombaka lidala lyange, na a la boholola avandu vange vadikidzwa, si ga veye ku litungwa kinga lihebwa madanyi, Yahova wa mahe a vola.

Isaya 49:9

kuvolera avahambe, Hambi kyova; kuvolera ava veye mkisundi, Mwelangaminve. Va laya ku tsinzira, nobwayiru bwavo bu la va hadiguluku hosi ha veye.

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Ezekieli 9:4

Yahova ya mu volera, Vita hagati helidala, hagati ha Yerusalemi, nokuvika kilolero mu bweni bwavandu va kenyanga nokulira kigira kivihiri kyosi ki kolangwa hagati halyo.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Zefania 3:12

Navutswa nda leka hagati hoho avadambidzwa navadaka, na va la suuvira lieta lya Yahova.

Zekaria 11:11

Lyononnywa mu lidiku zana yilyo; ni ndiyo avang'afu mu kyayo yavo avambulira va manya yili li veye likuva lya Yahova.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 11:5

vaboku va hebwa kulola, navaleema va genda, navagere va honnywa, navahana amatu va hulira navakudzu va simugukidzwa, navadaka vilwadzirwa ivangeli.

Matayo 12:18

Henza, Mtumwa wange wa nda tovola; Muyanzi wange wa mwoyo gwange gu yanza. Nda vika kuye Roho wange, Naye a lilwadzira Tsihiri bulungi.

Matayo 12:20

Kidundu kya minika si a li ki vunannya, Kandi mwoki gu twula ku kitani, si a li gu siminya A luhe a duke kuleta likalaga kuguuta.

Matayo 4:16

Avandu va li va menya mkisundi Va lola ubulavu bunene, Kandi kuvo ava menya mu kivala kyekiriri kyelikudza, Ubulavu bwa ng'ereng'ana kuvo.

Matayo 5:3

Va veye nobugasu ava li nobudaka mmwoyo: kigira ubwami bwomigulu nu bwavo.

Luka 4:17

Ya hebwa kitabu kyo muprofeti Isaya. Ya kunula kitabu, na a nyola ha ga ng'odwa.

Luka 6:20

Ya henza avegidzwi veve, na a vola, Mu veye nobugasu, mwinye avadaka: kigira ubwami bwa Nyasaye nu bwenyu.

Luka 7:22

Ma ya tivula na a va volera, Mu tsie kuvolera Y ohana amakuva yaga ga mu loli na ga mu huliye; avaboku va hebwa lilola, navaleema va gendanga, navagere va takaswa, navahana amatu va huliranga, navakudzu va sirnuguki dzangwa, navadaka vilwadzirangwa amakuva malahi.

Yohana 1:41

Ya tanga kunyola amwavo wewe mwene, Simoni, na a mu volera, Ku nyoye Mesia (litivula li veye Kristo).

Yohana 12:46

Inze ntsitsi kuva ubulavu bwavomkivala, ku vosi u suuvira inze a ta menya mu kisundi.

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Vikolwa 10:38

Yesu wa Nazareti kuli Nyasaye ya mu vaka Roho Mutakatifu netsingulu: wa vodonkana na a kola bulahi, na a honnya vosi ava Setani a legerera, kigira Nyasaye ya li halala naye.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Vikolwa 4:26

Avami velirova vetegeki, Navanene va vugana halala, Kuhing'ana no Mwami kandi na Kristo wewe.

Vikolwa 4:27

Kigira ligali Herodi na Pontio Pilatu, halala ne Tsihiri navandu va Israeli, va vugana halala mu lidala yili kuhing'ana na Yesu Mutumekiri wowo mutakatifu, wa wa vaka maguta.

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: