6 Navandu vosi va la lola ubuhonnyi bwa Nyasaye.
nobukumi bwa Yahova bu la lang'aminywa, na vomubiri vosi halala va la bu lola: kigira munwa gwa Yahova gwa vola yaga.
yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.
Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.
Ya va volera Gendi mu tsie mu lirova lyosi mwilwadze ivangeli ku vandu vosi.
Kigira si ha veye nelyavukana mu Vayuda na Vegreki: kigira uyu Mwami mulala a veye Mwami wa vosi, kandi a veye mutugi ku vosi ava mwanira:
Navutswa nteva, Si va hulira? Yee, ligali, Lwanga lwavo lwa twula nokuduka mu lirova lyosi, Kandi amakuva gavo ga duka ku tsindulu tsyelirova.
