Luka 3:16 - KITABU KITAKATIFU

¹⁶ Yohana ya tivula na a va volera vosi, Inze ligali mmu batidza namadzi; navutswa udzanga a veye netsingulu kuvita inze, wa nta duka kuboholola tsinkova tsyevilatu vivye: uyu a la mu batidza na Roho Mutakatifu nomuliru.

Luka 3:16 ပူးပေါင်းရင်းမြစ်များ

Tsing'ano 1:23

Mwegirunkannye kigira ligondoka lyange: Henza, nda mu tsukira roho wange Nda mu mannya makuva gange.

Isaya 32:15

kuduka lwa Roho a tsukwa ku kwinye kutwula igulu, na kyangalangwi ki la va mulimi gwamanga ligali, no mulimi gwamanga gu la validzwa kuva mulitu.

Isaya 4:4

lwa Yahova a mali kwogidza ubudamano bwavakana va Zioni, nokutwulidza amasahi ga Yerusalemi hagati halyo, na roho gwelikalaga bulungi, na roho gwelisamba.

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Matayo 3:11

Ligali inze mmu batidza mmadzi mu duke kweganira; navutswa u nonderera a veye netsingulu kuvita inze, vilatu vivye si ndukana kumugingira: uyu a la mu batidza mu Roho Mtakatifu nomu muliru.

Matayo 3:12

Kiseseru kikye ki veye mmkono gwigwe, kandi a la lavidza ulodze lwilwe ligali; nengano yeye a la tera mkideera navutswa mkuudzi a la samba nomuiiru gu ta simika.

Yohana 1:26

Yohana ya va tivulira, na a vola, Inze mbatidza mu madzi: hagati henyu mulala u singiye, wa mu vula kumanya,

Yohana 1:27

u londa inyima wange, wa nta dukana kuboholola lukova lwekilatu kikye.

Yohana 1:33

Kandi si nda mu manya: navutswa uyu wa ntuma kubatidza mu madzi, ya mbolera, Wa u li lola Roho yika na a menya kuye, uyu niye a batidza mu Roho Mutakatifu.

Yohana 7:38

Uyu u suuvira inze, kuli mang'oda ga vola, Gyi la twula mmwoyo gwi gwe imigera gyamadzi gyelivamwoyo.

Vikolwa 1:5

kigira Yohana ya batidza na madzi; navutswa mwinye mu la batidzwa mu Roho Mutakatifu inyima ya madiku makekeke.

Vikolwa 10:44

Petro lwa ya vola amakuva yaga, Roho Mutakatifu yika kuvo vosi ava hulira likuva.

Vikolwa 2:33

Kunangwa naye u mali kunenehidzwa kuduka ha mukono mulungi gwa Nyasaye, kandi u vuguye ku Dada lisuuviridza lya Roho Mutakatifu, u tsuki yiki kya mu lola nekya mu hulira.

1 Vakorintho 12:13

Kigira kwosi kwa bati dzwa mu Roho mulala ku duke kuva mubiri mulala, ni ku veye Avayuda naho Avagreki, naho avatugwa, naho avaboholole; kwosi kwa nwehidzwa ku Roho mulala.