Luka 24:47 - KITABU KITAKATIFU

⁴⁷ kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Luka 24:47 ပူးပေါင်းရင်းမြစ်များ

Litanga 12:3

kandi nda gasidza yavo ava gasidza ive, na nda laama yavo ava laama ive: na aviko vosi velirova va la gasidzirwa mu ive.

Zaburi 22:27

Viheri vyosi vyelirova vi lidzulitsa nokwirana ku Yahova; Kandi avetsinyumba tsyetsihiri tsyosi va la sigama imbiri wowo.

Zaburi 67:7

Nyasaye a la ku gasidza; Na aveviheri vyelirova vosi va la mu tia.

Zaburi 86:9

Tsihiri tsyosi tsya wa lomba tsi la sigama imbiri wowo, O Mwami; Na va la kuminya lieta lilyo.

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 49:22

Yahova Nyasaye, a vola ndi, Henza, nda gingira avandu ve tsihiri mukono gwange, nokusingeridzira avandu ibendera yange; na va la leta avana vayai vovo mu viritu vyavo, navakana vovo va la gingirwa ku mavega gavo.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 5:4

Ha veye na miyinzi ki n gyindi gya li kunyala kukolwa mu kizabibu kyange, gya nda vula kukola? Kunangwa, kigira ki lwa nda henzerera kyame mazabibu, navutswa kyama mazabibu gomulitu?

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 52:15

ni ndiyo a la sama tsihiri tsinyingi; avami va la kunika minwa gyavo kuye: kigira vindu vya va vula kuvolerwa va la vi lola; na ga va vula kuhulira va la ga manya.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Hosea 11:8

Inze nyala ndi kukuleka, Efiraim? Nyala ndi kukuta, Israeli? Nyala ndi kukukola kuli Adima? Nyala ndi ku kuvika u ve kuli Zeboim? Mwoyo gwange gu girunkanywa mu inze, tsimbabasi tsyange tsyaaki halala.

Hosea 2:23

Na nda mu simika mu lirova kigira inze; na nda vererera mukali uyu wa vula kuverererwa; na nda volera yava ava ta li avandu vange, Mwinye mu veye avandu vange; navo va la vola, Ive u veve Nyasaye wange.

Mika 4:2

Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Matayo 3:2

Mweganire; kigira ubwami bwomigulu bu veye himbi.

Matayo 9:13

Navutswa mu tsie mweyegidze amakuva yaga; Nyenya tsimbabasi, si nyenya visyuviriru; kigira si ndadza kulanga avalungi navutswa kulanga avoni.

Luka 13:34

O Yerusalemi, Yerusalemi, ive wiitanga avaprofeti nokulasa magina ava tumwa ku ive tsinyinga tsyanga ndenya kuvungidza avana venyu kuli inyavuli i vungidza viminyo vyayo mu tsimbaha tsya yo, navutswa mwinye si mwenya

Vikolwa 10:43

Avaprofeti vosi va lolekidza uyu, ku lieta lilye vosi ava mu suuvira va la nyola lisamefwa lyobwoni.

Vikolwa 11:18

Kandi lwa va hulira yaga va kiring'ana, ni vidzominya Nyasaye, ni va vola, Kali ku Tsihiri, Nyasaye u mali kuvaha Iveganira li leta livamwoyo.

Vikolwa 13:46

Paulo na Baranaba va luvirira ni va vola, Li nigwa likuva lya Nyasaye li tanga kuvolwa ku mwinye, navutswa kigi ra mu li luguta ihale, kandi si mwelola mu veye avalahi kuduka livamwoyo li ta hera mba, mu henze, kwinye ku girunkanira Tsihiri.

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Vikolwa 28:28

Kunangwa ga manyekane ku mwinye, ubuhonnyi, yibu bwa Nyasaye bu hilwa ku vandu ve Tsihiri: navo va la bu hulira.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

Vikolwa 4:12

Kandi si ha li nobuhonnyi ku wundi: kigira si ha li nelieta lindi muse mweligulu, lya hebwa mu vandu, li ku niga ku honnywe nalyo.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Varumi 5:20

Kandi lilaga lya duka, lihyola li duke kukira; navutswa hobwoni bwa kira, tsimbabasi tsya kira ligali;

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;

Vakolosai 1:27

Yavo ava Nyasaye ya li vanza kuvavuulira bwa li ubutugi bwobukumi bwobuvisi yibu mu Tsihiri, obu veye Kristo mu mwinye, a veye lisuuviridzwa lyobukumi.

1 Yohana 2:12

Mmu ng'odera mwinye, avana vange, kigira ubwoni bwenyu bu sameheywi kigira lieta lilye.