Luka 23:2 - KITABU KITAKATIFU

² Va tanga kumuyala, ni va vola, Kwa nyola mundu uyu na a girunkannya ihiri yetu, na a vambaka nnya kutunga Kaisari ubushutu, na a vola, mwene a veye Kristo, mwami.

Luka 23:2 ပူးပေါင်းရင်းမြစ်များ

1 Avami 18:17

Na ga duka, lwa Ahabu ya lola Elija, Aha bu ya vola, Nive, ive u dambidzanga Israeli?

Zaburi 35:11

Avaloli avakyamu va singira; Va nteva ku vindu vya nta manya.

Zaburi 62:4

Va volerana avene kugehidza lidzominywa lilye; Va sangalira ububehi; Va gasidzanga nomunwa gwavo, Navutswa mu myoyo gyavo va kyenanga. [Selaha

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Jeremia 38:4

Hene yaho avanene va volera mwami, mwadza, leka mundu uyu yiitwe; kigira a vikanga budedekere ku makono gavandu velihe ava tigala mu lidala yili, noku makono gavandu vosi, ku livola lya a va voleranga makuva kuli yaga; kigira mundu uyu si a saaviranga avandu yava ubulahi mba, navutswa a va saaviranya kivi.

Amosi 7:10

Kunangwa Amazia musalisi wa Beth-eli ya tuma avandu ku Jeroboam mwami wa Israeli, na a vola, Amosi u ku koleye tsimbemba hagati ha inyumba ya Israeli: na kivala si ki nyala kuginga makuva gege gosi.

Zekaria 11:8

Na nda twulidza avayi vavaka ku mweli mulala; kigira va luhidza mwoyo gwange, navo kandi myoyo gyavo gya ndunyira.

Matayo 17:27

Navutswa, gase ku la vikigitalidza, ive u tsie ku inyanza u limbike luyali u vugule isudzi i tanga kutwula; lwa u li kunula munwa gwayo u la lola ishekeli: vugula yiyo u tsie kutungira inze nive.

Matayo 22:21

Ni va mu volera, Ni vya Kaisari. Hene yaho ya va volera, Mu he Kaisari vindu vya Kaisari, na Nyasaye vindu vya Nyasaye.

Matayo 27:11

Naye Yesu ya singira imbiri wa govuna: govuna ya mu teva, na a vola, Ive niye Mwami wa Vayuda? Yesu na a mu volera, Ive u voye.

Marko 12:17

Yesu ya va volera, Mu he Kaisari vindu vya Kaisari kandi mu he Nyasaye vindu vya Nyasaye. Ku, va mu genyera munonono.

Marko 15:2

Pilatu ya mu teva, Ive nu Mwami wa Vayuda? Ya tivula na a mu volera, Ive u vola.

Luka 23:14

na a va volera, Mu ndeteye mundu uyu kuli u girunkannya avandu: kandi henza, inze mmali kumwizodza imbiri wenyu, si ndola kindu ku mundu uyu kali kilala ku ga mu mu yalira:

Luka 23:5

Navutswa va kira ligali, ni va vola, A gemehidza avandu, ni yegidza mu Buyuda mwosi kandi kutanga Galilaya nokuduka hano.

Yohana 18:29

Ku, Pilatu, ya tsia kuvo kyova, kandi ya vola, Mu veye naki kya mu yalira mundu uyu?

Yohana 18:30

Va tivula, ni va mu volera, Mundu uyu a vula kuva mudamano, nkano si ku mu leti imbiri wowo.

Yohana 19:12

Kigira yaga Pilatu ya geridza kumuboholola: navutswa Avayuda va kola liyoga, ni va vola, Nu u boholola mundu uyu si u veye mulina wa Kaisari: mundu yekola mwami a lega Kaisari.

Vikolwa 24:13

Kandi si va nyala kulungikidza ku ive amakuva ga va nzalira.

Vikolwa 24:5

Kigira kwinye ku mali kulola mundu uyu kuva mundu mudamano ligali, nu mugemehidzi mu Vayuda vosi mu vivala vyosi mu lirova, kandi nu munene ku lyahuka lya Vanazareti:

Varumi 13:7

Mu he vosi kya va dukana nakyo; kodi ku yava ava dukani nekodi; ubushutu ku yava ava dukani nobushutu; ubutii ku yava ava dukani nelitibwa; lidzominya ku yava ava dukani nelidzominywa.