Luka 22:30 - KITABU KITAKATIFU

³⁰ mu duke kulia nokunwa ku imeza yange mu bwami bwange; kandi mu likala ku visako vyobwami mu kalagira tsihiri likumi na tsiviri tsya Israeli.

Luka 22:30 ပူးပေါင်းရင်းမြစ်များ

2 Samweli 19:28

Kigira vosi avenyumba ya dada wange va li avakudzu avere imbiri womunene wange mwami; navutswa wa vika inze mutumekiri wowo mu yavo ava litsanga ku imeza yoyo mwene. Mbeye na ki kuduka kalunu nduke kulira ku mwami kandi?

Zaburi 49:14

Kuli magondi va hilangwa mu kilindwa; Likudza li la va mwayi wavo: Mugamba avalungi va la va netsingulu kuvo; Na ligondo lyavo li la gulula na li la va lyekilindwa, ki la li kaminya, Kuduka ha vula kuva hokumenya halyo.

Matayo 19:28

Yesu ya va volera, Ligali mmu volera, mwinye mu nondi, mu lilombwa lihya, lwa Mwana wa Adamu a likala ku intebe yobukumi bwibwe, mwinye kandi mu likala ku tsintebe likumi na tsiviri, no ku kalagira tsihiri likumi na tsiviri tsya Israeli.

Matayo 5:3

Va veye nobugasu ava li nobudaka mmwoyo: kigira ubwami bwomigulu nu bwavo.

Matayo 8:11

Na inze mmu volera, vanyingi va la twula ivugwe na madioli, va likala halala na Abrahamu, na Isaka, na Yakobo mbwami bwomigulu:

Luka 12:37

Va veye nobugasu avatugwa avomwami a li nyola va linda lwa a duka: ligali mmu volera, a leboha a la vikalidza ku vyokulia, a ladza na a vihula.

Luka 14:15

Mulala kuvo avikala naye ku vyokulia, lwa ya hulira yaga, ya mu volera, A veye nobugasu u li lagira ubukima mu bwami bwa Nyasaye.

2 Timoteo 2:12

ni ku saliridzwa, kandi ku lameha halala naye: ni ku mwambakana, naye a la kwambakana;

Yakobo 1:1

Yakobo, mutugwa wa Nyasaye nowo Mwami Yesu Kristo, ibaruura yange yiyi, i dukire tsihiri likumi na tsiviri tsye Lisalana, mirembe.

Likunula 19:9

Kandi ya mbolera, U ng'ode, Va veye nobugasu ava langeywi va tsie mu lilia lyekiserero kyo Mwana Weligondi. Kandi ya mbolera, Yaga ga veye amakuva ageligali ga Nyasaye.

Likunula 3:21

Uyu u guutanga, kuli inze nda guuta, nokwikala halala na Dada mu intebe, nda mu ha yikale halala na inze mu intebe yange.

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.