Luka 22:19 - KITABU KITAKATIFU

¹⁹ Kandi ya vugula ubukima, na lwa ya mala kusantidza, ya megannya na a va ha, na a vola, Yibu nu mubiri gwange gu haanwa kigira mwinye: mu kole yiki kunzidzulitsa.

Luka 22:19 ပူးပေါင်းရင်းမြစ်များ

Zaburi 111:4

O koli miyinzi gyigye gyokugenya gyidzulitswe: Yahova a veye netsimbabasi na liverera.

Lwimbu lwa Solomoni 1:4

U nkwese; na ku la ku londa: tsimbiru inyima wowo: Mwami u ndeti mu tsinyumba tsitsye; Ku la yanza nokusangala ligali ku ive; Ku la twulidza makuva gobuyanzi bubwo kuvita makuva gewaini: Liyanza lya va ku yanza ni lilungi.

Ezekieli 37:11

Hene yaho ya mbolera, Ive mwana womundu, vigumba yivi vi veye inyumba yosi ya Israeli: henza va vola, Vigumba vyetu vi veye viyumu, na lisuuviridzwa lyetu li goti; ku dividzwi ligali.

Ezekieli 5:5

Mwami Nyasaye a vola: Yili ni Yerusalemi; nda li vika hagati hetsihiri, nevivala vya li kumbiridza yiyi neyiyi.

Danyeli 2:38

kandi hosi ha avana va vandu va menyanga, na tsinyama tsyomwigendanyama, na manyonyi gombwerefu, u viki mmkono gugwo, kandi u kwamehidzi ku vyosi: ive u veye mutwe gwethahabu.

Matayo 14:19

Ya haana munwa viduma vikale hasi mu kiguti; na a vugula milango gyitano netsisudzi tsiviri na a henza migulu, ya vi gasidza, na a megannya na a ha avegidzwi, navegidzwi va ha viduma.

Matayo 15:36

na a vugula milango gyitanu na gviviri netsisudzi, na a santidza na a meganyira avegidzwi, navegidzwi va ha viduma.

Luka 22:17

Kandi ya vugula kikombe, na lwa ya mala kusantidza, ya vola, Mu vugule yiki, mu gavulane:

Luka 22:20

Kandi ndiyo kikombe inyima yokumala lilia, na a vola, Kikombe yiki ki veye amalagano amahya agoku masahi gange, aga sundulwa kigira mwinye.

Luka 24:30

Lwa yikala navo ku vyokulia, ya vugula mulango na a gu gasidza na a megannya na a va ha.

Yohana 6:23

(navutswa amato gandi ga twula Tiberia, gadza himbi na ha va lagirira ubukima inyima ya Mwami ya santidza):

Yohana 6:51

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

1 Vakorintho 10:16

Kikombe kyobugasu kya ku gasidza si ki veye lisanga lyamasahi ga Kristo? Ubukima bwa ku megannya si bu veye lisanga lyomubiri bwa Kristo?

1 Vakorintho 10:4

kandi vosi va nwa kyokunwa kilala kya roho: kigira va nwa ku lwanda lwa roho lwa va londa: nolwanda yilwo lwa li Kristo.

Vagalatia 1:4

wehaana kigira ubwoni bwetu, a duke kukuhonnya mu inyinga ya kalunu indamano yiyi, kuli ubulaliri bwa Nyasaye wetu, Dada wetu:

Vagalatia 4:25

Na uyu Hagari a veye kigulu Sinai mu Arabia kandi ki fwanana ne Yerusalemi lya kalunu: kigira li veye mu butugwa halala navana valyo.

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

1 Vatesalonike 5:18

mu santidze ku vindu vyosi: kigira yibu bu veye ubulaliri bwa Nyasaye mu Kristo Yesu ku luvega lwenyu.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.