Luka 22:18 - KITABU KITAKATIFU

¹⁸ kigira mmu volera, Inze si nda nwa kandi amakuyu gemizabibu, bu luhe budze ubwami bwa Nyasaye.

Luka 22:18 ပူးပေါင်းရင်းမြစ်များ

Zaburi 104:15

Na iwaini i yanzidza mwoyo gwomundu, Na maguta gokunihidza mmoni mwimwe, Na ubukima bu konyanga mwoyo gwomundu.

Lwimbu lwa Solomoni 5:1

Mmali kwingira mmulimi gwange, mubotso wange, mukana mugima wange: Mmali kwagula manamane gange halala nevifunyanga mwayu vyange; Mmali kulia kemenye kyobwuki kyange halala nobwuki bwange; Mmali kunwa iwaini yange halala namaveere gange. Avalina vange, mu lie; Mu nwe, yee, mu nwe ligali, O vayanze vange.

Isaya 25:6

Kandi mu kigulu yiki Yahova wa mahe a la lombera avandu vosi lilia lyevinolu, lilia lyewaini halala na maseke gayo, lilia lyevinolu vizula buhali, lilia lyewaini ku maseke ya lombwa bulahi,

Isaya 55:1

O, mwinye sa mulala u veye nobuluhu, hambi ku madzi, na u veye bugira ifetha; hambi, mu gule, mu lie; yee, hambi, mu gule iwaini namaveere bugira ifetha, na bugira buguli.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Zekaria 9:15

Yahova wa mahe a la va sola; na va la lia nokuduvaga magina ga laswa nolu kova; na va la nwa, nokukupa liyoga kuli lyewaini; na va lizula kuli tsi ndavo, kali mu tsikona tsyobwali.

Zekaria 9:17

Bu duka kuli ndi ubunene bwobugasu bwibwe na bu duka kuli ndi ubulahi bwibwe ubuswage bu la gasidza avayai, na iwaini impya i la gasidza avakana.

Matayo 16:18

Ninze nku volera, Ive u veye Petro, kandi ku lwanda yilu ndombaka livugana lyange; neviribwa vye Kihadisi si vi nyala kuliguuta.

Matayo 26:29

Navutswa mmu volera, Inze kutwula kalunu si nda nwa ku makuyu gemizabibu, nduhe nduke kumva mahya halala nemwinye mu bwami bwa Dada wange.

Marko 14:23

Kandi ya vugula kikombe, lwa ya mala kusantidza, ya va ha: kandi va nwa ku vosi.

Marko 14:25

Ligali mmu volera, Si nda nyala kandi kunwa ku makuyu gemizabibu, nduhe nduke lidiku lyokunwa amahya mu bwami bwa Nyasaye.

Marko 15:23

Ni va mu letera iwaini i sanyeywi nomuri: navutswa ya gi sula.

Marko 9:1

Vatakatifu. Kandi ya va volera, Ligali, mmu volera, avalala ku va singiye hano si va la tsatsama ku likudza, ni va ta lola ubwami bwa Nyasaye buudza netsingulu.

Luka 21:31

Kandi ndiyo mwinye lwa mu li lola vindu yivi vi kolangwa, mu manye ubwami bwa Nyasaye bu veye himbi.

Luka 22:16

kigira mmu volera, Si nda li lia kandi, li luhe li duke kukolwa mu bwami bwa Nyasaye.

Luka 9:27

Navutswa mmu volera ligali, Ku yava ava singiye hano avalala si va li lola likudza bugira kutanga kulola ubwami bwa Nyasaye.

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

Vakalagi 9:13

Namuzabibu gwa gyi volera, Ndeke iwaini yange indoto, i yanzidzanga Nyasaye navandu, ntsie kwameha ku misala?