Luka 21:37 - KITABU KITAKATIFU

³⁷ Madiku gosi mbasu ya li ni yegidza mu litempeli; namadiku gosi ubudiku ya twula na a tsia kugona mu kigulu kya langwa Mizeituni.

Luka 21:37 ပူးပေါင်းရင်းမြစ်များ

Zekaria 14:4

Kandi mu lidiku yilyo virenge vivye vi la singira ku kigulu kya Muzeituni, ki henza Yerusalemi ku luvega lwevugwe; kigulu kya Mu zeituni zana ki ladika hagati hakyo, kuhenza ivugwe ne madioli, livona li la va ho linene ligali; na luvega lulala lwekigulu lu la twula kutsia kasikasini, na luvega lundi kutsia kusini.

Matayo 21:1

Lwa va duka himbi ne Yerusalemi, ni va duka Bethfage, mu kigulu kya Mizeituni, hene yaho Yesu ya tuma avegidzwi veve vaviri,

Matayo 21:17

Na a va leka, na a twula mu lidala kutsia Betani, na a gona vo.

Matayo 26:30

Lwa va mala kwimba lwimbu, va twula ni va tsia mu kigulu kya Mizeituni

Matayo 26:55

Inyinga zana Yesu ya volera viduma, Mu ntwuliye kungumira nevivavi netsi mpimbo kuli mu londanga munuli? Madiku gosi ndikala mu litempeli ni nzegidza, na si mwa ngumira mba.

Marko 11:12

Na mugamba lwa ya twula Betani, ya li nenzala.

Marko 11:19

Madiku gosi lwa isi ya mwama ya twula mu lidala.

Marko 14:49

Madiku gosi nda li namwinye halala mu litempeli nzegidzanga, si mwa ngumira mba: navutswa ga koleywi ndi mang'oda ga dukidzwe.

Luka 19:29

Lwa ya duka himbi Bethfage na Betani, mu kigulu kya langwa Mizeituni, ya tuma avegidzwi vaviri,

Luka 19:37

Lwa ya duka himbi ha kisulungutu kyekigulu kye Mizeituni, kiduma kyosi kyavegidzwi kya tanga kusangala nokwidzominya Nyasaye nomwoyo munene kigira miyinzi minene gyosi gya va lola;

Luka 19:47

Kandi ya li ni yegidza kazozo mu litempeli. Navutswa avasalisi vanene navang'odi navanene vavandu venya kumwiita:

Luka 22:39

Kandi ya twula na a tsia mu kigulu kya Mizeituni, kuli miima gyigye; navegidzwi veve va mu londa.

Yohana 12:1

Kunangwa Yesu, madiku gatanu na lilala imbiri welipasaka ya tsia Betani, wa Lazaro ya li, uyu wa Yesu ya simugukidza kutwula mu vakudzi.

Yohana 18:2

Kandi Yuda, wa mu zama, naye ya manya ha zana: kigira Yesu ya tsia yo kanyingi navegidzwi veve.

Vikolwa 1:12

Kunangwa virana Yerusalemi kutwula mu kigulu kya langwa Mizeituni, kya li himbi ne Yerusalemi, ulugendo lwelidiku lyelisabato.