Luka 21:36 - KITABU KITAKATIFU

³⁶ Navutswa mwinye mu linde kazozo, mu saale, mu duke kunyola tsingulu kuhona mu vindu yivi vyosi vi li duka, nokusingira imbiri wo Mwana wa Adamu.

Luka 21:36 ပူးပေါင်းရင်းမြစ်များ

Ayubu 27:10

A leyanzidza mu Wanyala Vyosi, Nokwanira Nyasaye tsinyinga tsyosi?

Zaburi 1:5

Kunangwa avoni si va li singira mu mayalo mba, Kinga avetsimbi mivugana lya avalungi.

Jeremia 35:19

kigira yaga Yahova wa mahe, Nyasaye wa Israeli a vola: Jonadabu mwana wa Rekabu si a la daka mundu mihiga nemihiga kusingira imbiri wange.

Malaki 3:2

Navutswa ni bwaha u nyala kumenya mu lidiku lyelidza lilye? Kandi ni bwaha u nyala kusingi ra lwa uyu a loleka? Kigira a veye kuli muliru gwo muhenzeridzi wefatha, ka ndi kuli isabuni yomwogidzi wetsingubu:

Matayo 24:42

Kigira yaga, Lindi: kigira si mu manya lidiku lyo Mwami wenyu yadza.

Matayo 24:43

Navutswa mu manye yaga, mwene inyumba a va wa manya inyinga mwivi yadza, nkano ya linda a la vula kuleka inyumba yeye i hudulwe.

Matayo 24:44

Kigira yaga mwinye kandi mwetegeke; kigira isaa ya mu ta gana gana Mwana wa Adamu yadza.

Matayo 25:13

Kunangwa mu linde, kigira si mu manya lidiku ne isaa.

Matayo 26:41

Lindi mu saale, mu tingira mu ligeridzwa mba; mwoyo gwene gu yanza, navutswa mubiri si gu li netsingulu.

Matayo 8:20

Yesu ya mbolera, Vibwe vi veye nebogo, na manyonyi ge igulu ga veye netsinyumba; navutswa Mwana wa Adamu si a veye na ha kugona mba.

Marko 13:33

Mu gelihe, mu linde, mu saale, kigira si mu manya inyinga mba.

Marko 13:37

Kandi aga mu volera, mbolera vosi, Lindi.

Luka 1:19

Ingelosi ya tivula na a mu volera, Inze mbeye Gabirieli u singiranga imbiri wa Nyasaye; ntumeywi kuvolerana nive nokukuletera amakuva malahi yaga.

Luka 18:1

Ya va kupa lugano va duke kulola nu bulahi va saala tsinyinga tsyosi, va ta luha mba;

Luka 20:35

navutswa yavo ava volangwa kudukana kunyola inyinga yeyo nelisimuguka mu vakudzi si va kwedza, kandi si va sererwa:

Luka 21:35

kigira li la duka ndiyo ku vosi ava menya ku lirova lyosi.

Vikolwa 10:2

ya li mulahi wa tia Nyasaye, halala navenyumba yeye vosi, na a ha avandu tsisadaka tsinyingi, na a saala Nyasaye madiku gosi.

1 Vakorintho 16:13

Mu linde, mu dinye mu lisuuvira mu ve avasatsa, mu ve avetsinguiu.

2 Vakorintho 4:14

kigira ku manya uyu wa simugukidza Mwami Yesu a la simugukidza kwinye kandi halala na Yesu, a la ku singeridza halala nemwinye.

Vakolosai 4:2

Mu menye ligali mu lisaala mu hongere mulyo nomu lisantidza,

1 Vatesalonike 5:17

mu saale Nyasaye bugira kuleka;

2 Timoteo 4:5

Navutswa ive, weli nde ku vyosi, wekudzire ku budinyu, u kole miyinzi gyomwilwadzi wevangeli, u dukidze ubutumwa bubwo.

1 Petro 4:7

Navutswa kiheri kyevindu vyosi ki veye himbi: kigira yaga mu ve nobugeeri ubulamu, nokulindidza myoyo kuduka mu lisaala:

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira:

1 Yohana 2:28

Kandi kalunu, avana vakekeke vange, menyi muye; kandi na a va na a lolekidzwa ku ve nobuluviriri, kandi ku ta va netsitsoni imbiri wewe ku liduka lilye.

Yudasi 1:24

Kalunu ku uyu u nyala kulinda mwinye mu vule kwikigitala, nokumusingeridza imbiri wobukumi bwibwe bugira imbala mu buyanzi ubunene,

Likunula 11:4

Yava va veye misala gyiviri gyemizeituni, nevinara viviri vyetsitaya, vi singira imbiri wo Mwami welirova.

Likunula 6:17

kigira li duki lidiku linene lyobutima bwavo; kandi ibwaha a nyala kusingira?

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;

Likunula 8:2

Kandi nda lola tsingelosi vatano na vaviri ava singiranga imbiri wentebe ya Nyasaye; na va hebwa visiliva vitano na viviri.