Luka 20:20 - KITABU KITAKATIFU

²⁰ Ma va mu linda, ni va tuma avaluti, avekola kuva avalungi, va duke kuvugula amakuva gege, va duke kumuzama ku serikale noku tsingulu tsyogovuna.

Luka 20:20 ပူးပေါင်းရင်းမြစ်များ

2 Samweli 14:2

Na Joabu ya tuma avandu Tekoa, navo va twulidza yo mukali wobugeeri, naye ya mu volera, Mwadza, wegirunkanye wekole kuva umusyomi, wevike ingubo yelisyoma, mwadza, u tevaka maguta mba, navutswa u ve kuli mukali u syomeranga wa kudza kale:

Zaburi 38:12

Yavo kandi avenyanga livamwoyo lyange va nteganga mitego; Na yavo avanyenyeranga kivi va volanga tsimbemba, Na va ganagana ubugadi mbasu bei.

Zaburi 66:3

Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

Zaburi 81:15

Yavo ava dunyira Yahova nkano vegehidza kuye: Navutswa tsinyinga tsyavo tsi la menya mihiga nemihiga.

Jeremia 11:19

Navu tswa nda li kuli mwana weligondi muhoma ligali, u hilangwa kutsia kwiitwa; na si nda manya va li ni va saaviye lisaavira ku inze, ni va rola, Ku dividze musala yigu halala namakuyu gagwo, ku mu kalage a twule mu kivala kya va veye mwoyo, lieta lilye li vule kwidzulitswa kandi.

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Danyeli 6:4

Kunangwa avagovuna na avanene venya kunyola kindu ku Danyeli mu miyinzi gyobwami; navutswa si va nyala kunyola kindu kinga lihyolo, kigira ya li musuuvirifu, kandi lihyolo kinga kikyamu si vya nyoleka kuye.

Matayo 27:2

ni va mu boha ni va mu hila ni va mu vika mu makono ga Pilatu wa li govuna munene.

Marko 3:2

Ni va mu henza na a va na a mu honnya mu lisabato, va mbuule.

Luka 11:54

va duke kunyola likuva li twula mu munwa gwigwe.

Luka 20:21

Ni va mu teva ni va vola, Mwegidzi, ku manya ive u vola nokwegidza bulungi, kandi si u bugirira ligondo lyomundu, navutswa ligali wegidza inzira ya Nyasaye.

Luka 20:26

Navo si va nyala kugumira livola yili imbiri wavandu: ni va genya litivula lilye, ni va kiring'ana.

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.