Luka 20:10 - KITABU KITAKATIFU

¹⁰ Kandi ku muhiga, ya tuma mutugwa va mu he ku makuyu gekizabibu: navutswa avalimi va mu kuya, ni va mu kunga vutswa.

Luka 20:10 ပူးပေါင်းရင်းမြစ်များ

1 Avami 22:24

Hene yaho Zedekia mwana wa Kenaana yisunda himbi, ni yaala Mikaiya ku hlsaya, na a mu volera, Ya twula ku inze ku inzira ki roho wa Yahova, kukuvolera?

2 Avami 17:13

Halala na yaga Yahova ya lolekidzira Israeli, na Yuda, na a va volera nomunwa gwomuprofeti sa mulala, na valoli sa mulala, na a vola, Mu girunkane mu leke tsinzira tsyenyu tsindamano, mu gumire malago ganga nemiima gyange, kuli lilaga ya nda laga vaguga venyu, nalya nda leta ku mwinye nomukono gwavatumekiri vange avaprofeti.

1 Kyetsinyinga 19:4

Ma Hanun ya vugula avatumwa va Daudi, na a va vega, nokukalaga tsi ngubo tsyavo hagati kuduka ku ma dako, nokuvakunga va tsie.

2 Kyetsinyinga 16:10

Asa ya vihirirwa muloli uyu, na a mu vika mu inyumba yavahambe; kigira ya nyola butima ubululu kuye ku inkuva yiyi. Inyinga yeyo Asa ya dambidza avalala ku avandu.

Nehemia 9:26

Navutswa va sula kuhulira ni vebaala ku ive, nokuvika lilaga lilyo himugongo havo, na viita vaprofeti vovo ava lolekidza kuvo kuvirannya ku ive, na va kola kivihiri kinene.

Nehemia 9:30

Navutswa wekudzira kuvo mihiga minyingi, na wa lolekidza kuvo na Roho wowo ku vaprofeti vovo: navutswa si va yanza ku tegidza amatu: kigira yaga wa va vika mmakono gavandu vevivala yivyo.

Zaburi 1:3

A la fwanana nomusala gu simikwa himbi nemigera gyamadzi, Gwamanga ku muhiga gwagwo, Matu gagwo si ga niala mba; Na vyosi vya a kola vi la gasa.

Jeremia 2:30

Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 20:2

Ma Pashuri ya kuya Jeremia muprofeti, na a mu boha mu mikatale gya li ha zana mu kiribwa kyeluhya kya Benjamini, kya li mu inyumba ya Yahova.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 5:24

Kandi si va vola mu myoyo gyavo Gendi ku tie Yahova Nyasaye wetu kalunu, uyu u letanga imbula, imbula yomuhiga, nembula ye itodzo ku inyinga yayo; uyu wa ku vikira masidza ga lagwa geligesa.

Luka 13:34

O Yerusalemi, Yerusalemi, ive wiitanga avaprofeti nokulasa magina ava tumwa ku ive tsinyinga tsyanga ndenya kuvungidza avana venyu kuli inyavuli i vungidza viminyo vyayo mu tsimbaha tsya yo, navutswa mwinye si mwenya

Luka 20:11

Kandi ya tuma wundi mutugwa: uyu kandi va kuya ni va mu kupidza kivi ligali, ni va mu kunga vutswa.

Luka 20:9

Kandi ya tanga kuvolera avandu, na a kupa lugano yilu: Mundu ya simika kizabibu, na a ha ava mu limira, na a tsia mu kivala kindi tsinyinga tsinyingi.

Yohana 15:16

Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.

Varumi 7:4

Kigira yaga, avamitu, mwinye kandi mu koleywi mu gwe avakudzu ku lilaga mu mubiri gwa Kristo; mu duke kuhambanywa ku wundi, ku uyu wa simugukidzwa kutwula mu vakudzu, kwinye ku duke kwamira Nyasaye makuyu.