Luka 2:41 - KITABU KITAKATIFU

⁴¹ Avivuli veve va tsia imihiga gyosi Yerusalemi mu lilia lye lipasaka.

Luka 2:41 ပူးပေါင်းရင်းမြစ်များ

Kutwula 12:11

Na mu la lia ndi: vikenge vyenyu vi bofwe, na mwivike vilatu vyenyu ku virenge vyenyu, na mu ve nempimbo yoyo mu mukono gugwo; na mu la li lia bwangu: li veye lipasaka lya Yahova.

Kutwula 12:14

Na lidiku yili li la va lyokwidzulitsa ku mwinye, na mu la li linda li ve lidiku linene ku Yahova: mu visukululwi vyenyu mu la li linda li ve lidiku linene kuva lilaga lyemihiga nemihiga.

Kutwula 34:23

Ku muhiga mulala avasatsa vovo vosi va la vugana hali kavaka, imbiri wa Mwami Yahova, Nyasaye wa Israeli.

Kyavalevi 23:5

Mu mweli gwokutanga ku lidiku lya likumi na gane lyomweli, inyinga ya mgolova, li veye lipasaka lya Yahova.

Livalidza 28:16

Kandi mu mweli gwokutanga, ku lidiku lyelikumi na gane lyomweli, li la va lipasaka lya Yahova.

Luka 2:42

Lwa ya duka imihiga li kumi na gyiviri, vanegira kuli miima gwelilia;

Yohana 11:55

Lipasaka lya Vayuda lya li himbi: navandu vanyingi vanegira Yerusalemi imbiri welipasaka, va twula mu kivala, ni va tsia kwetakasa.

Yohana 13:1

Imbiri welilia lyelipasaka, Yesu ya li na a manya inyinga yeye i duki yokutwula mu kivala yiki nokutsia ku Dada, ya mala kuyanza aveve ava li mu kivala, ya va yanza kuduka ku kiheri.

Yohana 2:13

Kandi lipasaka lya Vayuda lya li himbi, Yesu yanegira na a tsia Yerusalemi.

Yohana 6:4

Lipasaka, lilia lya Vayuda, lya li himbi.

Kwidzulitsa 12:11

inyinga yeyo ga la vaha Yahova Nyasaye wenyu a la tovola, a vike ho lieta lilye, ha zana yaho mu la hila ho vyosi vya nda mu laga: vihaanwa vyenyu vyokusambwa, nevisyuviriru vyenyu, netsizaka tsyenyu, nevihaanwa vyokudigululwa vyamakono genyu, nevyokulagana vyenyu vyosi vi tovole vya mwa vika ku Yahova.

Kwidzulitsa 12:18

navutswa u la vi liira imbiri wa Yahova Nyasaye wowo ha Yahova Nyasaye wowo a la tovola, ive, navayai vovo, navakana vovo, navatugwa vovo vayai, navakana, no Mulevi u veye mu viribwa vivyo: u la va u sangale imbiri wa Yahova Nyasaye wowo mu vyosi vya u vika ku mukono gugwo.

Kwidzulitsa 16:16

Hali kavaka ku muhiga avasatsa vovo va la loleka imbiri wa Yahova Nyasaye wowo ha a la tovola: mu lilia lyobukima bu ta li namamera, na mu lilia lyamasidza, na mu lilia lyamadiri; va ta loleka imbiri wa Yahova namakono makaya;

1 Samweli 1:21

Nomusatsa uyu Elikana, navandu venyumba yeye vosi, vanegira kuhaana kihaanwa kyomuhiga ku Yahova, nelilagana lilye.

1 Samweli 1:3

Ma mundu uyu yanegira kutwula mu lidala lilye muhiga nomuhiga kusigamira nokuhaana ku Yahova wamahe vihaanwa mu Shilo. Navana vaviri va Eli, Hofini na Finehasi, avasalisi va Yahova va li yo.