Luka 2:40 - KITABU KITAKATIFU

⁴⁰ Mwana ya viruka, na a dasa tsingulu, ni yizula ubugeeri: kandi ubuyanzi bwa Nyasaye bwa li kuye.

Luka 2:40 ပူးပေါင်းရင်းမြစ်များ

Zaburi 22:9

Navutswa ni ive wa ntwulidza mmunda; Wa nsuuviridza, lwa nda li ku tsimbeere tsya mama wange.

Zaburi 45:2

Ive u veye mulahi kuvita avana va avandu; Tsimbabasi tsi tsukeywi mu minwa gyigyo: Kigira yaga Nyasaye u ku gasidzi ubugasu bwemihiga nemihiga.

Luka 1:80

Mwana ya viruka na a dasa tsingulu mu mwoyo gwigwe, na a menya mwigendanyama kuduka inyinga yeye yokuloleka ku Israeli.

Luka 2:47

Navo vosi ava mu hulira va genya ubugeeri bwibwe nelitivula lilye.

Luka 2:52

Yesu ya dasa ubugeeri, na a viruka, na a dasika mu buyanzi bwa Nyasaye nobwavandu.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Vikolwa 4:33

Navatumwa va twulidza netsingulu tsinene lilolekidza lyavo lyelisimuguka lyo Mwami Yesu: kandi tsimbabasi tsinene tsya li kuvo vosi.

Vafeso 6:10

Agekiheri, avamitu vange, mu ve avanyala mu Mwami, kandi mu bunene bwetsingulu tsitsye.

2 Timoteo 2:1

Kunangwa ive, mwana wange, u nyole tsingulu mu tsimbabasi tsi veye mu Kristo Yesu.

Vakalagi 13:24

Nomukali yivula mwana muyai, na a mu gulika Samsoni: nomwana ya viruka na Yahova ya mu gasidza.

1 Samweli 2:18

Navutswa Samweli ya tumekira imbiri wa Yahova, naye ya li mwana, wokwivika kisibao kyengubo yekatani.

1 Samweli 2:21

Na Yahova ya gasidza Hana, naye ya li inda, naye yivuln avana vavaka vayai navakana vaviri. Na uyu mwana Samweli ya viruka imbiri wa Yahova.

1 Samweli 2:26

Nomwana uyu Samweli ya meda kuviruka, na a va nobugasu ku Yahova, noku avandu.

1 Samweli 3:19

Na Samweli ya viruka, na yahova ya li halala naye, na si a leka kindu kali kilala ku makuva gege kugwa hasi.