Luka 2:4 - KITABU KITAKATIFU

⁴ Kandi Yosefa yanegira kutwula Galilaya, mu lidala lya Nazareti, na a tsia Buyuda, mu lidala lya Daudi, lya langwa Bethlehemu, kigira ya li wenyumba naviko va Daudi;

Luka 2:4 ပူးပေါင်းရင်းမြစ်များ

Litanga 35:19

Na Raheli ya kudza, na ya tebwa ku inzira i tsitsanga Efirathu (li veye Beth-lehemu).

Litanga 48:7

Kandi ku inze, inyinga nda twula Padan, Raheli ya kudzira mu kivala kya Kanani ku inzira, lwa kwa duka himbi Efirathu: na inze nda mu ta yo ku inzira i tsitsanga Efirathu, (ha zana ha langwa Beth-lehemu).

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Matayo 1:20

Navutswa lwa ya ganagana vindu yivi, henza ingelosi wo Mwami ya loleka kuye mu maloto na a vola, Yosefa, mwana wa Daudi, u ta tia kuleta Maria mkali wowo: kigira kya verekwa muye ki veye kya Roho Mtakatifu.

Matayo 2:23

Na a duka kumenya mu lidala lya langwa Nazareti; ga duke kukolwa aga volwa nomunwa gwavaprofeti, a la langwa Munazareti.

Luka 2:3

Vosi va tsia kung'odwa mu madala gavo gene.

Luka 2:5

a tsie kung'odwa halala na Maria mukali wewe wa ya kwa, naye a veye inda.

Luka 4:16

Kandi ya duka Nazareti, ha ya virukira; ni yingira kuli miima gwigwe, mu lisomero ku lidiku lyelisabato, na a singira kusoma.

Yohana 1:46

Natanaeli ya mu volera, Kindu kilahi ki nyala kutwula mu Nazareti? Filipu ya mu volera, Hamba, u lole.

Yohana 7:42

Mu mang'oda si ga vola, Kristo a livulwa wa Daudi, kandi wa Bethlehemu kadala ka Daudi ya li mu?

Ruth 1:19

Kunangwa va tsia vombi halala kuduka Beth-lehemu. Ga duka, lwa va duka Beth-lehemu, lidala lyosi lya vukidzwa kigira yava, navakali silidala va vola, Uyu si a veye Naomi?

Ruth 2:4

Na henza, Boaz yadza na a twula Bethlehemu, na a volera avagesi, Yahova a ve halala na mwinye. Navo va tivula, Yahova a gasidze ive.

Ruth 4:11

Na avandu vosi va li mu kiribwa, navakulundu va vola, Kwinye ku veye avalolekidzi. Yahova a kole umukali uyu wingira mu inyumba yoyo a ve kuli Raheli na kuli Leah, avakali yavo vaviri avombaka inyumba ya Avaisraeli: na ive u kole bulahi mu Efarata, na u ve munene mu Bethlehemu:

Ruth 4:17

Na avakali avatende veve va mu gulika lieta, ni va vola, Naomi wivuleywi mwana muyai; va mu gulika lieta lilye Obedi: uyu niye ise wa Jesse, ise wa Daudi.

1 Samweli 16:1

Na Yahova ya volera Samweli, U la syomera Saulo kuduka inyingaki, kigira inze mmu suye, a vule kuva mwami ku Israeli? Wizulitse maguta mu lwiga lulwo, u tsie: nda ku tuma ku Jesse Mubeth lehemu; kigira inze nzenyoleye mwami mu avana veve.

1 Samweli 16:4

Na Samweli ya kola ga Yahova ya vola, na ya duka Beth-lehemu. Na vakulundu velidala va tsia kumwaganira ni va degera, ni va mu teva, U duka nemirembe?

1 Samweli 17:12

Kunangwa Daudi ya li mwana wa Muefarathi wa Beth-lehemuyuda, lieta lilye lya li Jesse; naye ya li navana vatano na vavaka avayai: na uyu ya li musakulu mu madiku ga Saulo, u emihiga minyingi mu avandu.

1 Samweli 17:58

Na Saulo ya mu teva, Ive u veye mwana wa bwaha, musoleli ive? Na Daudi ya tivula, Mbeye mwana womutumekiri wowo Jesse wa Beth-lehemu.

1 Samweli 20:6

Dada wowo na a lola inze si mbeye ho, hene yaho u la vola, Daudi uyu yenyanga ligali mmu he munwa a nyagule kutsia Beth-lehemu mu lidala lilye; kigira ki veye yo kihaanwa kyomuhiga kigira bwiko bwosi.